ସମ୍ବେଦନଶୀଳ ଥାନାରେ ଆଉ ରହିବନି ଆଇଆଇସି ପଦବି

ସମ୍ବେଦନଶୀଳ ଥାନା ଗୁଡ଼ିକରେ ଆଉ ରହିବନି ଆଇଆଇସି ପଦବି । ଏସିପି ବା ଡିଏସ୍‌ପି ପାହ୍ୟାର ଅଧିକାରୀଙ୍କ ଦାୟିତ୍ବରେ ସେଭଳି ଥାନା ରହିବ । ରାଜ୍ୟରେ କମିସନରେଟ୍ ପୁଲିସରେ ପ୍ରଥମ ପର୍ଯ୍ୟାୟରେ ୯ଟି ଥାନାରେ ଏସିପିଙ୍କୁ ଥାନା ଦାୟିତ୍ବ ଦିଆଯିବ । ଏଥିପାଇଁ କମିସନରେଟ୍ ପୁଲିସ ଦକ୍ଷ ପୁଲିସ ଅଧିକାରୀଙ୍କୁ ଚୟନ କରି ନିୟୋଜିତ କରିବାକୁ ଯାଉଛି । କମିସନରେଟ୍ ପୁଲିସରେ ପ୍ରଥମ ପର୍ଯ୍ୟାୟରେ ଏହି ଯୋଜନା ଲାଗୁ କରାଯିବ । ପରେ ରାଜ୍ୟରେ ଅନ୍ୟ ସମ୍ବେଦନଶୀଳ ଥାନା ଦାୟିତ୍ବରେ ଡିଏସପି ପାହ୍ୟାର ଅଧିକାରୀଙ୍କୁ ନିଯୁକ୍ତି ଦିଆଯିବ ।