ଶିବସେନା ନେତାଙ୍କ ହାଜତ ମିଆଦ ବୃଦ୍ଧି

ଶିବସେନା ନେତା ସଂଜୟ ରାଉତଙ୍କ ହାଜତ ମିଆଦ ୧୯ ତାରିଖ ପର୍ଯ୍ୟନ୍ତ ବୃଦ୍ଧି । ମୁମ୍ବାଇର ଏକ ସ୍ୱତନ୍ତ୍ର କୋର୍ଟ ଶିବସେନା ନେତା ସଂଜୟ ରାଉତଙ୍କ ନ୍ୟାୟିକ ହେପାଜତକୁ ବୃଦ୍ଧି କରିଛନ୍ତି । ପ୍ରଥମେ ଇଡି ହେପାଜତରେ ରହିବା ପରେ ତାଙ୍କୁ ଅଗଷ୍ଟ ୮ରେ ୧୪ ଦିନ ପାଇଁ ନ୍ୟାୟିକ ହେପାଜତକୁ ପଠାଯାଇଥିଲା । ଯାହା ଅଗଷ୍ଟ ୨୨ ରେ ସ୍ୱତନ୍ତ୍ର ପିଏମ୍‌ଏଲ୍‌ଏ କୋର୍ଟ ଦ୍ୱାରା ସେପ୍ଟେମ୍ବର ୫ ପର୍ଯ୍ୟନ୍ତ ବୃଦ୍ଧି କରାଯାଇଥିଲା । ତେବେ ଆଜି ଏହି ହେପାଜତକୁ ଆହୁରି ୧୪ ଦିନ ପର୍ଯ୍ୟନ୍ତ ବୃଦ୍ଧି କରାଯାଇଛି । ଇଡି ମନି ଲଣ୍ଡରିଂ ମାମଲାରେ ଜୁଲାଇ ୩୧ରେ ତାଙ୍କ ଘରେ ଚଢ଼ାଉ କରି ତାଙ୍କୁ ଅନେକ ଘଣ୍ଟା ଧରି ପଚରାଉଚରା କରିଥିଲା ‌। ଶେଷରେ ଅଗଷ୍ଟ ୧ରେ ତାଙ୍କୁ ଗିରଫ କରାଯାଇଥିଲା ।