ଶିକାରୀ ଗୁଳିରେ ଫରେଷ୍ଟର ମୃତ୍ୟୁ ଘଟଣା

ଶିମିଳିପାଳ ଅଭୟାରଣ୍ୟରେ ବନ ଅଧିକାରୀଙ୍କ ମୃତ୍ୟୁ ଘଟଣା । ମାମଲାରେ ୧୦ ଜଣ ଅଟକ ଥିବାବେଳେ ୨ ଜଣଙ୍କୁ ଚିହ୍ନଟ କରାଯାଇଛି । ଅଟକ ଥିବା ୧୦ ଜଣଙ୍କୁ ଠାକୁରମୁଣ୍ଡା ଥାନାରେ ପଚରାଉଚରା କରାଯାଇଛି । ଏହା ସହ ୨ଟି ଦେଶୀ ବନ୍ଧୁକ ଜବତ କରାଯାଇଥିବା ସୂଚନା ରହିଛି । ଫରେଷ୍ଟର ମାଟି ହାଁସଦା ପାଟ୍ରୋଲିଂ କରିବା ବେଳେ ଏହି ହତ୍ୟାକାଣ୍ଡ ଘଟିଥିବା ସୂଚନା ରହିଛି । ଘଟଣାର କାରଣ ଜାଣିବା ପାଇଁ ପୋଲିସ ଓ ବନ ବିଭାଗ ପକ୍ଷରୁ ସ୍ୱତନ୍ତ୍ର ଟିମ୍ ଗଠନ ହୋଇଛି । ଶିମିଳିପାଳକୁ ସୁରକ୍ଷା ଦେବାକୁ ଯାଇ ମାସକ ମଧ୍ୟରେ ଦୁଇ ବନ ଅଧିକାରୀଙ୍କ ମୃତ୍ୟୁ ଘଟିଛି । ଏହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।