ରାଜ୍ୟରେ ୫ ବର୍ଷରେ ୧୫ହଜାର ଶିଶୁ ନିଖୋଜ; ଏନସିଆରବିର ସାଙ୍ଘାତିକ ତଥ୍ୟ

ଏନସିଆରବିର ଚାଞ୍ଚଲ୍ୟକର ତଥ୍ୟ । ଓଡ଼ିଶାରେ ୫ ବର୍ଷରେ ୧୫ହଜାର ଶିଶୁ ନିଖୋଜ ହୋଇଛନ୍ତି । ସବୁଠୁ ଉଦ୍‌ବେଗଜନକ ତଥ୍ୟ ହେଉଛି, ମୋଟ୍‌ ନିଖୋଜ ଶିଶୁଙ୍କ ମଧ୍ୟରେ ୧୨, ୧୯୯ ଜଣ ଶିଶୁ କନ୍ୟା ଅଛନ୍ତି । ଶିଶୁ କନ୍ୟାଙ୍କୁ ମୁଖ୍ୟତଃ ପଶ୍ଚିମବଙ୍ଗ, ଛତିଶଗଡ଼, ଆନ୍ଧ୍ରପ୍ରଦେଶ, ମଧ୍ୟପ୍ରଦେଶ, କର୍ଣ୍ଣାଟକ ଚାଲାଣ କରାଯାଉଥିବା ସୂଚନା । ଓଡ଼ିଶା ପୋଲିସର ସଦ୍ୟ ପ୍ରକାଶିତ ଏକ ରିପୋର୍ଟରେ ୨୦୨୧ ମସିହାରେ ଶିଶୁ ନିଖୋଜ ମାମଲା ଗତ ୫ ବର୍ଷର ରେକର୍ଡ ଭାଙ୍ଗିଛି । ୨୦୨୧ ମସିହାରେ ୪ ହଜାର ୧୩୩ ଶିଶୁ ନିଖୋଜ ଅଛନ୍ତି । ଏମାନଙ୍କ ମଧ୍ୟରୁ ୪୭୭ ଜଣ ନାବାଳକ ଓ ୩ ହଜାର ୬୫୬ ଜଣ ନାବାଳିକା ଅଛନ୍ତି । ୨୦୨୧ ବର୍ଷ ଶେଷ ସୁଦ୍ଧା ପୂର୍ବ ବର୍ଷର ବଳକା ନିଖୋଜ ମାମଲାକୁ ମିଶାଇ ରାଜ୍ୟରେ ୭ ହଜାର ୪୦୪ ଶିଶୁଙ୍କ ନିଖୋଜ ମାମଲା । ଏହି ବର୍ଷ ୪ହଜାର ୫୯୬ ଜଣଙ୍କୁ ଠାବ କରାଯାଇଥିବା ବେଳେ ଅବଶିଷ୍ଟ ୨ ହଜାର ୮୦୮ଜଣଙ୍କ ପତ୍ତା ମିଳୁନାହିଁ ।