ରାଜସ୍ଥାନରେ ଆରମ୍ଭ ହେବ ଭଜନ ଲାଲ ସରକାର

ଆଜି ଶପଥ ନେବେ ରାଜସ୍ଥାନ ମୁଖ୍ୟମନ୍ତ୍ରୀ । ରାଜସ୍ଥାନରେ ଆରମ୍ଭ ହେବ ଭଜନ ଲାଲ ସରକାର। ଜୟପୁରର ଆଲବର୍ଟ ହଲ ପରିସରରେ ଶପଥ ଗ୍ରହଣ ସମାରୋହ ଆୟୋଜିତ ହୋଇଛି। ମୁଖ୍ୟମନ୍ତ୍ରୀ ଭଜନଲାଲଲଙ୍କ ସହ ଦୀୟା କୁମାରୀ ଏବଂ ପ୍ରେମଚାନ୍ଦ ବୈରଓ୍ବା ଉପମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ଉତ୍ସବରେ ବିଜେପିର ବରିଷ୍ଠ ନେତାମାନେ ଯୋଗଦେବେ। ଏଥିପାଇଁ ବ୍ୟାପକ ଆୟୋଜନ କରାଯାଇଛି । ଭଜନ ଲାଲ ଶର୍ମା ବ୍ରାହ୍ମଣ ସମାଜରୁ ଆସୁଥିବା ଜଣେ ମଜଭୁତ ଚେହେରା। ଦୀର୍ଘ ୫୦ ବର୍ଷ ପରେ ରାଜସ୍ଥାନରେ ଜଣେ ବ୍ରାହ୍ମଣ ଚେହେରା ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି। ପ୍ରଥମ ଥର ପାଇଁ ସାଙ୍ଗନେରରୁ ବିଧାୟକ ହୋଇଛନ୍ତି ଭଜନଲାଲ ଶର୍ମା। ଚାରି ଥର ରାଜ୍ୟ ବିଜେପିର ମହାସଚିବ ଭାବେ ସେ ଦାୟିତ୍ବ ତୁଲାଇଥିଲେ । ସଂଘ ସହ ତାଙ୍କର ପରିବାରର ଘନିଷ୍ଠତା ମଧ୍ୟ ତାଙ୍କୁ ଟପ୍ ପୋଷ୍ଟ ପ୍ରଥମ ପସନ୍ଦ ସାଜିଥିବା ଚର୍ଚ୍ଚା ହେଉଛି ।