ମେତବାହ ଲିଙ୍ଗଡୋ ସବୁଠୁ ଧନୀ ପ୍ରାର୍ଥୀ

ଆଗାମୀ ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ହୋଇଥିବା ମେଘାଳୟ ବିଧାନସଭା ବାଚସ୍ପତି ମେତବାହ ଲିଙ୍ଗଡ଼ୋ ହେଉଛନ୍ତି ସବୁଠୁ ଧନୀ ପ୍ରାର୍ଥୀ, ଯାହାଙ୍କ ସମ୍ପତ୍ତିର ପରିମାଣ ଗତ ୫ ବର୍ଷରେ ୬୮ ପ୍ରତିଶତ ବୃଦ୍ଧି ପାଇ ୧୪୬.୩୧ କୋଟିରେ ପହଞ୍ଚିଛି । ୟୁଡିପି ପାର୍ଟିର ମୁଖ୍ୟ ଲିଙ୍ଗଡ଼ୋ ମୈରଙ୍ଗ ଆସନରୁ ପୁନଶ୍ଚ ନିର୍ବାଚନ ଲଢ଼ୁଛନ୍ତି । ସେଠାରେ ଆଗାମୀ ୨୭ ତାରିଖରେ ଭୋଟ ଗ୍ରହଣ ହେବ । ଲିଙ୍ଗଡ଼ୋ ୨୦୧୮ ନିର୍ବାଚନ ବେଳେ ତାଙ୍କ ସମ୍ପତ୍ତି ପରିମାଣ ୮୭.୨୬ କୋଟି ବୋଲି ଦର୍ଶାଇଥିଲେ । ଆସୋସିଏସନ ଫର ଡେମୋକ୍ରାଟିକ୍ ରିଫର୍ମସ ଓ ମେଘାଳୟ ଇଲେକ୍ସନ ୱାଚ୍‌ର ତଥ୍ୟ ଅନୁସାରେ ୨୦୧୮ ନିର୍ବାଚନରେ ୬୦ ବିଧାନସଭା ଆସନ ପାଇଁ ୬୦ ଜଣ ନିର୍ବାଚିତ ହୋଇଥିବା ଗତ ୫ ବର୍ଷରେ ଉପନିର୍ବାଚନରେ ଆଉ ୮ ଜଣ ନିର୍ବାଚିତ ହୋଇଥିଲେ । ଏହି ୬୮ ଜଣଙ୍କ ମଧ୍ୟରୁ ପୁନଃ ନିର୍ବାଚନ ଲଢ଼ୁଥିବା ୬୧ ଜଣଙ୍କ ସମ୍ପତ୍ତିର ବିଶ୍ଳେଷଣ କରାଯାଇଛି ।