ମୃତ୍ୟୁଦଣ୍ଡକୁ ନେଇ ସ୍ଥିର ହେବ ଗାଇଡଲାଇନ୍

ମୃତ୍ୟୁଦଣ୍ଡକୁ ନେଇ ଗାଇଡଲାଇନ୍ ସ୍ଥିର କରିବାକୁ ସୁପ୍ରିମ୍‌କୋର୍ଟର ୫-ଜଣିଆ ବେଞ୍ଚ୍‌କୁ ଦାୟିତ୍ବ । ଯେଉଁସବୁ ମାମଲାରେ ସର୍ବୋଚ୍ଚ ଶାସ୍ତି ଭାବେ ମୃତ୍ୟୁଦଣ୍ଡ ଦିଆଯିବା କଥା ତାହାକୁ କିପରି କମାଯାଇପାରିବ ବା କେଉଁ ପରିସ୍ଥିତିରେ କମାଯାଇପାରିବ ସେ ନେଇ ଏକ ମାର୍ଗଦର୍ଶିକା ପ୍ରସ୍ତୁତ ହେବ । ପ୍ରଧାନବିଚାରପତି ଉଦୟ ଉମେଶ ଲଳିତଙ୍କ ନେତୃତ୍ବାଧୀନ ବେଞ୍ଚ କହିଲେ ଯେ ଏକ ବୃହତ୍ତର ଖଣ୍ଡପୀଠରେ ଏହି ମାମଲା ଶୁଣାଣିର ଆବଶ୍ୟକତା ରହିଛି । ଥରେ ମୃତ୍ୟୁଦଣ୍ଡ ଦିଆଗଲା ପରେ ତାହାକୁ ଆଉ ବଦଳାଯାଇ ପାରିବ ନାହିଁ । ତେଣୁ ମୃତ୍ୟୁଦଣ୍ଡ ଦିଆଯିବା ପୂର୍ବରୁ ତାହାକୁ ଆଉ କୋହଳ କରିହେବ କି ନାହିଁ, ସେ ବାବଦରେ ବିସ୍ତୃତ ଭାବେ ବିଚାର କରିବାର ଆବଶ୍ୟକତା ରହିଛି । ସୁପ୍ରିମ୍‌କୋର୍ଟ ବିଚାର ପାଇଁ ଗ୍ରହଣ କରିଥିବା ଉକ୍ତ ସୋ-ମଟୋ ଆବେଦନଟିର ଶୀର୍ଷକ ହେଉଛି- ‘ଫ୍ରେମିଂ ଗାଇଡ୍‌ଲାଇନ୍ସ ରିଗାର୍ଡିଂ ପୋଟେନ୍‌ସିଆଲ ମିଟିଗେଟିଂ ସର୍କମ୍‌ଷ୍ଟାନ୍ସେସ୍ ଟୁ ବି କନ୍‌ସିଡର୍ଡ ହ୍ବାଇଲ୍ ଇମ୍ପୋଜିଂ ଡେଥ୍ ସେଣ୍ଟେସ୍ସେସ୍’।