ମାଗଣା ଯୋଜନା ଯୋଗୁଁ ଅର୍ଥନୀତି କ୍ଷତି; ସୁପ୍ରିମକୋର୍ଟଙ୍କ ଉଦବେଗ ପ୍ରକାଶ

ନିର୍ବାଚନ ବେଳେ ମାଗଣା ଯୋଜନା ପ୍ରଚାର ଏବଂ ପ୍ରତିଶ୍ରୁତି ଗୁରୁତର ଆର୍ଥିକ ପ୍ରସଙ୍ଗ । ସୁପ୍ରିମକୋର୍ଟ ଶୁଣାଣି ବେଳେ ଏପରି କହିବା ସହ ଉଦବେଗ ପ୍ରକାଶ କରିଛନ୍ତି । ମାଗଣା ଯୋଜନା ଲାଗୁ ହେବା ଦ୍ୱାରା ଅର୍ଥନୀତି କ୍ଷତି ହେଉଛି । ଏହି ସମସ୍ୟାର ମୁକାବିଲା ପାଇଁ ଏକ ବିଶେଷଜ୍ଞ କମିଟି ଗଠନ ପାଇଁ କୋର୍ଟ ପରାମର୍ଶ ଦେଇଛନ୍ତି । ଏହି କମିଟିରେ ଅର୍ଥ ଆୟୋଗ, ନୀତି ଆୟୋଗ, ରିଜର୍ଭ ବ୍ୟାଙ୍କ, ଶାସକ ଏବଂ ବିରୋଧୀ ଦଳର ନେତା ସମେତ ଅନ୍ୟ ଦଳର ପ୍ରତିନିଧି ରହିବେ । ୭ ଦିନ ଭିତରେ ମତ ରଖିବାକୁ ଆବେଦନକାରୀ, ବରିଷ୍ଠ ଓକିଲ କପିଲ ଶିବଲ, ରାଜନେତାଙ୍କୁ ନିର୍ଦ୍ଦେଶ ଦେଇଛନ୍ତି କୋର୍ଟ । ତେବେ ମାମଲାର ପରବର୍ତ୍ତୀ ଶୁଣାଣି ଅଗଷ୍ଟ ୧୧ରେ ହେବ ।