ମଣିପୁରରେ ଥମୁନି ହିଂସା

ମଣିପୁରରେ ଥମୁନି ହିଂସା । ଗୁଳିକାଣ୍ଡରେ ୫ ମୈତେୟୀଙ୍କ ମୃତ୍ୟୁ ସମେତ,୪ ବିଏସଏଫ ଯବାନ ଆହତ । ମଣିପୁରରେ ବିଭିନ୍ନ ଜିଲ୍ଲାରେ ବୁଧବାର ଦିନ ରାତିରୁ ବ୍ୟାପିଥିବା ହିଂସା ଏପର୍ଯ୍ୟନ୍ତ ଥମିନାହଁ । ହିଂସାରେ ୫ଜଣଙ୍କର ମୃତ୍ୟୁ ହୋଇଥିବା ବେଳେ ୪ ବିଏସଏଫ ଯବାନ ଆହତ ହୋଇଛନ୍ତି । ବୁଧବାର ଦିନ ତେଙ୍ଗନୌପା ଜିଲ୍ଲାରେ ଦୁର୍ବୃତ୍ତଙ୍କ ଆକ୍ରମଣରେ ୨ ପୁଲିସ କର୍ମଚାରୀ ସହିଦ ହେବା ପରେ ଏହି ସ୍ଥିତି ଉପୁଜିଛି । ପୋଲିସ ଅଧିକାରୀଙ୍କ ସୂଚନା ଅନୁଯାୟୀ ବିଷ୍ଣୁପୁର ଜିଲ୍ଲାରେ ୪ଜଣ ମୈତେୟୀ ସଂପ୍ରଦାୟ ଲୋକଙ୍କର ମୃତ୍ୟୁ ହୋଇଛି । ସେମାନଙ୍କ ମୃତ୍ୟୁ ପରେ ଇମ୍ପାଲ ଉପତ୍ୟକାର ବିଭିନ୍ନ ସ୍ଥାନରେ ହିଂସା ଉଗ୍ର ରୂପ ନେଇଥିଲା । ଗ୍ରାମର ଗୁଳି ବିନିମୟ ପରେ ମୈତ୍ରୀୟ ସଂପ୍ରଦାୟର ଜଣେ ୨୩ ବର୍ଷର ଯୁବକଙ୍କ ମୃତ୍ୟୁ ହୋଇଛି । ଫଳରେ ଲୋକମାନେ ପୋଲିସ ପ୍ରତିଷ୍ଠାନ ଉପରେ ଆକ୍ରମଣ କରିଥିଲେ । ଏଥିରେ ୪ଜଣ ବିଏଏସଏଫ ଯବାନଙ୍କ ଦେହରେ ଗୁଳି ବାଜିବା ସହିତ ସେମାନେ ଆହତ ହୋଇଛନ୍ତି ।