ଭାରତ ମହାସାଗରରେ ବଢୁଛି ଚୀନର ଉପସ୍ଥିତି

ଭାରତ ମହାସାଗରରେ ଚୀନର ଉପସ୍ଥିତି ବଢିବାରେ ଲାଗିଛି । ଚୀନର ଏକ ନୂଆ ଗୁଇନ୍ଦା ଜାହାଜ ଏବେ ମାଳଦ୍ୱୀପ ଆଡ଼କୁ ଅଗ୍ରସର ହେଉଛି । ମାଳଦ୍ୱୀପ ପକ୍ଷରୁ ଚୀନ ଜାହାଜକୁ ନେଇ ଚର୍ଚ୍ଚା ହେଉଥିବା ଖବର ସଠିକ ବୋଲି କୁହାଯାଇଛି । ମାଳଦ୍ୱୀପ କହିଛି ଯେ ସେ ଚୀନ ଜାହାଜକୁ ସ୍ୱାଗତ କରିବ । ମାଳଦ୍ୱୀପ ଏକ ବୟାନ ଜାରି କରି କହିଛି ଯେ, ସେ ବନ୍ଧୁରାଷ୍ଟ୍ରର ଜାହାଜକୁ ସ୍ୱାଗତ କରିବ। ମାଳଦ୍ୱୀପ ନିଜର ମାଲେ ପୋର୍ଟରେ ଚୀନ ଜାହାଜକୁ ସ୍ୱାଗତ କରିବ । ଏସବୁ ଭିତରେ ଭାରତୀୟ ନୌସେନା ଚୀନ ଜାହାଜର ଗତିପଥ ଉପରେ ନଜର ରଖିଛି। ମାଳଦ୍ୱୀପ ସରକାର ସ୍ପଷ୍ଟ କରିଛନ୍ତି ଯେ, ଚୀନ ଜାହାଜ ମାଳଦ୍ୱୀପର ଜଳ କ୍ଷେତ୍ରରେ କୌଣସି ଅନୁସନ୍ଧାନ କରିବ ନାହିଁ । ମାଳଦ୍ୱୀପ ଏହା ମଧ୍ୟ କହିଛି ଯେ, ଚୀନର ଏହି ଜାହାଜ ରୋଟେସନ୍ ଏବଂ ରିପ୍ଲେସମେଣ୍ଟ ପାଇଁ ମଞ୍ଜୁରୀ ଲୋଡ଼ିଥିଲା ।