‘ଭାରତୀୟ ମାନେ ବିଜେପିକୁ ମାଟିରେ ମିସାଇଦେବେ’

ରାହୁଲ ଗାନ୍ଧୀ ତାଙ୍କ ଆମେରିକା ଗସ୍ତ ବେଳେ ଲଗାତର ଭାବେ ବିଜେପିକୁ ଟାର୍ଗେଟ କରୁଛନ୍ତି । ସୂଚନା ଅନୁସାରେ ଏବେ ସେ କହିଛନ୍ତି କି, କର୍ଣ୍ଣାଟକରେ ଯେଭଳି ଭାବେ କଂଗ୍ରେସ ବିଜେପିକୁ ପରାଜିତ କଲା ଠିକ୍ ସେହିଭଳି ତେଲେଙ୍ଗାନା ଓ ଅନ୍ୟ ରାଜ୍ୟରେ ବି କଂଗ୍ରେସ ବିଜେପିକୁ ପରାଜିତ କରିବ । ସେ କହିଛନ୍ତି , କେବଳ କଂଗ୍ରେସ ପାର୍ଟି ନୁହେଁ ବରଂ ବିଜେପିର ଘୃଣାଭରା ବିଚାରଧାରାକୁ ଭାରତୀୟମାନେ ପରାଜିତ କରିବେ । ୱାସିଂଟନର ସେନ୍ ଫ୍ରାନସିସକୋ ପରେ ରାହୁଲ ଗାନ୍ଧୀ ନ୍ୟୁୟର୍କ ପହଂଚିଛନ୍ତି । ସେଠାରେ ସେ ଶନିବାର ଦିନ ଇଣ୍ଡିଆନ ଓଭରସିଜ କଂଗ୍ରେସ ଦ୍ୱାରା ଆୟୋଜିତ କାର୍ଯ୍ୟକ୍ରମରେ ଯୋଗଦେଇ କହିଛନ୍ତି କି, ଆମେ କର୍ଣ୍ଣାଟକ ନିର୍ବାଚନ ପରେ ସ୍ପଷ୍ଟ ହୋଇଯାଇଛୁ କି ବିଜେପିକୁ ପରାଜିତ କରାଯାଇପାରିବ । କର୍ଣ୍ଣାଟକ ନିର୍ବାଚନରେ ବିଜେପି ଯେଭଳି ଭାବେ ଅର୍ଥ, ବାହୁ ଓ ଶାସନକଳକୁ ବ୍ୟବହାର କରି ନିର୍ବାଚନ ଲଢିଥିଲା ତାହାକୁ କର୍ଣ୍ଣାଟକବାସୀ ପ୍ରତ୍ୟାଖାନ କଲେ । ଠିକ୍ ସେହିଭଳି ତେଲେଙ୍ଗାନାରେ ବି ବିଜେପି ପରାଜିତ ହେବାକୁ ଯାଉଛି ।