ଭାରତର ବାରଣ ସତ୍ତ୍ବେ ଶ୍ରୀଲଙ୍କାର ହମ୍ବନଟୋଟା ବନ୍ଦରରେ ଚୀନର ଯାସୁସୀ ଜାହାଜ

ଶ୍ରୀଲଙ୍କାର ହମ୍ବନଟୋଟା ବନ୍ଦରରେ ପହଞ୍ଚିଛି ଚୀନର ଯାସୁସୀ ଜାହାଜ । ତେବେ ଭାରତର ବିରୋଧ ସତ୍ତ୍ୱେ ଏହା ଏଠାରେ ପହଞ୍ଚିଛି । ଚୀନ ଜାସୁସୀ ଜାହାଜ ୟୁଆନ ୱାଙ୍ଗ-୫ ସାଟେଲାଇ ସପୋର୍ଟ ଭେସେଲ୍ ହମ୍ବନଟୋଟା ପୋର୍ଟରେ ଆସି ପହଞ୍ଚିଛି । ଏହା ସେପ୍ଟେମ୍ବର ମାସ ପର୍ଯ୍ୟନ୍ତ ରହିବ । ତେବେ ଏହି ଜାହାଜ ପହଞ୍ଚିବା ପରେ ଭାରତ ପକ୍ଷରୁ ସତର୍କତା ଅବଲମ୍ବନ କରାଯାଇଛି । କାରଣ ଏହି ଜାହାଜ ସାଟେଲାଇଟ୍ ସିଷ୍ଟମ ସମ୍ପନ୍ନ ହୋଇଥିବାରୁ ଏହା ଭାରତ ମହାସାଗର ଉପରେ ଅଗଷ୍ଟରୁ ସେପ୍ଟେମ୍ବର ପର୍ଯ୍ୟନ୍ତ ଜାସୁସୀ କରିବ ବୋଲି ଭାରତ ଚିନ୍ତା ବ୍ୟକ୍ତ କରିଥିଲା । ଆମେରିକା ସରକାର ମଧ୍ୟ ସମାନ କଥା କହି ଚିନ୍ତା ବ୍ୟକ୍ତ କରିଥିଲେ । ହେଲେ ଚୀନ ସରକାର ଜାସୁସୀ ଓ ସୁରକ୍ଷା ପ୍ରସଙ୍ଗକୁ ଭିତ୍ତିହୀନ କରିବା ପରେ ଶ୍ରୀଲଙ୍କା ସରକାର ଚୀନ ଚାପରେ ୟୁଆନ ୱାଙ୍ଗ-୫କୁ ହମ୍ବନଟୋଟାରେ ରହିବାକୁ ଅନୁମତି ଦେଇଛି । ଆଉ ଆଜି ସକାଳେ ଏହି ଜାହାଜ ଆସି ହମ୍ବନଟୋଟା ବନ୍ଦରରେ ପହଞ୍ଚିଛି ।