ବ୍ରହ୍ମଋଷି ବିଶ୍ୱାମିତ୍ରଙ୍କ ଅହଂଭଙ୍ଗ

ଏକଦା କ୍ଷେତ୍ରୀୟ ରାଜା ବିଶ୍ୱାମିତ୍ର ସୈନ୍ୟ ସାମନ୍ତ ପରିବେଷ୍ଠିତ ହୋଇ ବାହାରକୁ ଯାଉଥିଲେ ଏବଂ ସଂଯୋଗ ବଶତଃ ଋଷି ବଶିଷ୍ଠଙ୍କ ସହିତ ତାଙ୍କର ଦେଖା ହୋଇଥିଲା । ବଶିଷ୍ଠ ରାଜା ବିଶ୍ୱାମିତ୍ରଙ୍କୁ ନିଜ ଆଶ୍ରମ କୁଟିରରେ ବିଶ୍ରାମ ନେବାପାଇଁ କହିଲେ । ରାଜା ବିଶ୍ୱାମିତ୍ର ସମ୍ମତ ହେଲେ ମଧ୍ୟ ମନେ ମନେ ଚିନ୍ତାକଲେ, ମୋର ଏତେ ସୈନ୍ୟ ସାମନ୍ତମାନଙ୍କୁ ବଶିଷ୍ଠ ଚର୍ଚ୍ଚା କରିପାରିବେ? କି;ୁ ବିଶ୍ୱାମିତ୍ରଚକିତ ହୋଇଗଲେ । ଯେତେବେଳେ ସେ ଦେଖିଲେ ଯେ ତାଙ୍କର ବିଶାଳ ଅନୁଗାମୀମାନଙ୍କୁ ବହୁତ ସୁନ୍ଦର ଓ ରାଜକୀୟ ଭାବେ ଆପ୍ୟାୟିତ କଲେ ଋଷି ।

କୁତୁହଳୀ ବିଶ୍ୱାମିତ୍ର ବଶିଷ୍ଠଙ୍କୁ ପଚାରିଲେ ଅରଣ୍ୟ ମଧ୍ୟରେ ଗୋଟିଏ ବୋଲି ଆଶ୍ରମ । ଆପଣ କେଉଁଠୁ କିପରି ସମସ୍ତଙ୍କ ପାଇଁ ଖାଦ୍ୟ ଓ ବ୍ୟବହାର୍ଯ୍ୟ ଦ୍ରବ୍ୟ ସଂଗ୍ରହ କଲେ? ଆଶ୍ରମ ପରିସରରେ ବୁଲୁଥିବା ଏକ ଗାଈ (ନନ୍ଦିନୀ) କୁ ଦେଖାଇ ବଶିଷ୍ଠ କହିଲେ ଏ ମୋର ସମସ୍ତ ଆବଶ୍ୟକତା ପୂରଣ କରିପାରେ । ତା ପରେ ରାଜା ବିଶ୍ୱାମିତ୍ର ବଶିଷ୍ଠଙ୍କୁ କହିଲେ, ତୁମର ଏ ଗାଈଟି ଆଉ ଜଙ୍ଗଲରେ ନରହି ମୋ ରାଜ ଉଆସକୁ ଯିବ । ନିୟମିତଃ ଧନ ସମ୍ପଦ ଦେଉଥିବା ଗାଈ ଉପରେ ରାଜାଙ୍କର ଅଧିକାର ଅଛି । ବଶିଷ୍ଠ କହିଲେ ଗାଈଟି ମୋର ଭଉଣୀ ଭଳି । ତେଣୁ ଯେ କୌଣସି ପରିସ୍ଥିତିରେ ମଧ୍ୟ ମୁଁ ଏହାକୁ ଆପଣଙ୍କୁ ଦେଇ ପାରିବି ନାହିଁ ।

ବିଶ୍ୱାମିତ୍ର ବଶିଷ୍ଠଙ୍କ କଥା ନଶୁଣି ସୈନ୍ୟମାନଙ୍କୁ ଆଦେଶ ଦେଲେ ଗାଈଟିକୁ ବାନ୍ଧି ନେଇଯିବା ପାଇଁ । ବଶିଷ୍ଠଙ୍କ ଆଖିରୁ ଧାରଧାର ଲୁହ ବୋହି ଯାଉଥାଏ । ସେତେବେଳେ ସେ ନନ୍ଦିନୀକୁ କହିଲେ, ମୁଁ କିଛି କରିପାରୁନି । ତୋତେ ନିଜକୁ ନିଜେ ରକ୍ଷା କରିବାକୁ ପଡିବ । ଆଉ ତାପରେ ହଠାତ ନନ୍ଦିନୀଙ୍କ ଦେହରୁ ବାହାରିଲେ ଅସଂଖ୍ୟ ଯୋଦ୍ଧା । ଆଉ ମାତ୍ର ଗୋଟିଏ ମୂହୁର୍ତ୍ତରେ ବିଶ୍ୱାମିତ୍ରଙ୍କ ସୈନ୍ୟ ସାମନ୍ତମାନଙ୍କୁ ପରାସ୍ତ କରିଦେଲେ । ତେବେ ଏପରି ଭାବରେ ଗାଈ ନନ୍ଦିନୀ ଋଷିଙ୍କୁ ରକ୍ଷା କରିବା ସହିତ ନିଜକୁ ମଧ୍ୟ ରକ୍ଷା କଲା । ଆଉ ରାଜା ବିଶ୍ୱାମିତ୍ରଙ୍କ ଅହଂକାରକୁ ମଧ୍ୟ ଖଣ୍ଡନ କଲା ।https://thetopmost.in/fan-celebrate-ranvir-alia-marrige-in-different-style/