ବିଲ୍‌କିସ ବାନୋ ଦୁଷ୍କର୍ମକାରୀଙ୍କୁ ଛାଡ଼କୁ ତୀବ୍ର ବିରୋଧ

ବିଲ୍‌କିସ ବାନୋ ଦୁଷ୍କର୍ମକାରୀଙ୍କୁ ସ୍ବାଧୀନତା ଦିବସରେ ଛାଡ଼ କରିଦିଆଯିବା ଯୋଗୁଁ ପ୍ରତିବାଦର ହେଉଛି । ମହିଳା ଅଧିକାର କାର୍ଯ୍ୟକର୍ତ୍ତାମାନେ ମଙ୍ଗଳବାର ଏ ସମ୍ପର୍କରେ ସର୍ବୋଚ୍ଚ ଅଦାଲତରେ ଏକ ଜନସ୍ବାର୍ଥ ମାମଲା ଦାଏର କରିଛନ୍ତି । ଉକ୍ତ ୧୧ ଜଣ ଦୋଷୀଙ୍କୁ ପୁଣି ଜେଲରେ ଭର୍ତ୍ତି କରାଯାଉ ବୋଲି ଏଥିରେ ଦାବି କରାଯାଇଛି । ପ୍ରଧାନବିଚାରପତି ଏହାକୁ ଶୁଣାଣି ପାଇଁ ତାଲିକାଭୁକ୍ତ କରିବା କଥା ବିଚାର କରୁଛନ୍ତି । ଖଣ୍ଡପୀଠ ଆବେଦନର ବିଚାର କରିବେ ବୋଲି କହିଛନ୍ତି । ଏହା ପୂର୍ବରୁ ସାମାଜିକ କାର୍ଯ୍ୟକର୍ତ୍ତା ଓ ଐତିହାସିକଙ୍କ ସମେତ ପ୍ରାୟ ୬୦୦୦ ଲୋକ ସର୍ବୋଚ୍ଚ ଅଦାଲତ ଅପରାଧୀମାନଙ୍କୁ ପୁଣି ଜେଲରେ ଭର୍ତ୍ତି କରିବାକୁ ଆଦେଶ ଦିଅନ୍ତୁ ବୋଲି ଦାବି କରିଥିଲେ ।