ବିରଳ ସବୁଜ କୁକୁର ଜନ୍ମ

କାନାଡ଼ାରେ ଏକ କୁକୁର ଅତି ବିରଳ ସବୁଜ ରଙ୍ଗର କୁକୁରକୁ ଜନ୍ମ ଦେଇଛି । ଏହି ନବଜାତ କୁକୁରଟି ଦେଖିବାକୁ ଅତି ସୁନ୍ଦର ଲାଗୁଛି । କୁକୁରର ମାଲିକ ଏହାର ଫଟୋ ସୋସିଆଲ ମିଡିଆରେ ଅପଲୋଡ୍‌ କରିବା ପରେ ଭାଇରାଲ ହେବାରେ ଲାଗିଛି । ତେବେ ଜନ୍ମ ଦେଇଥିବା ମା’ କୁକୁରଟି ବୁଲଡଗ୍‌ ପ୍ରଜାତିର । ଏହା ମୋଟ ୮ଟି କୁକୁରକୁ ଜନ୍ମ ଦେଇଛି । ତେବେ ସମସ୍ତ ୭ଟି କୁକୁର ସମାନ ରଙ୍ଗର ହୋଇଥିବା ବେଳେ ଗୋଟିଏ ହିଁ କୁକୁର ସବୁଜ ରଙ୍ଗର ହୋଇଛି, ଯାହାକୁ ଦେଖି କୁକୁରର ମାଲିକ ଟ୍ରେୱର ଏବଂ ଆଡ୍ରା ଚକିତ ହୋଇଛନ୍ତି । ସୂଚନା ଅନୁଯାୟୀ ଟ୍ରେୱରଙ୍କ କହିବା ଅନୁଯାୟୀ ତାଙ୍କ କୁକୁର ନାମ ଫ୍ରେୟା । ତେଣୁ ସେ ଏହି ନିଆରା ବିରଳ ଛୁଆ କୁକୁରର ନାମ ଫ୍ରିୟୋନା ରଖିବା ପାଇଁ ବିଚାର କରୁଛନ୍ତି । ଜଣେ ଡାକ୍ତରଙ୍କ କହିବା ଅନୁଯାୟୀ ସେମାନେ କେବେ ବି ଏପରି ରଙ୍ଗର କୁକୁର ଦେଖିନଥିଲେ । ଏଥିସହ ଏପରି ମାମଲା ୧୦ ହଜାରରୁ ଗୋଟିଏ ହୋଇଥାଏ ।