ବିବିସି ସାମ୍ୱାଦିକଙ୍କୁ ମାଡ

ଚୀନରେ କରୋନା କଟକଣା ବିରୋଧରେ ଜାରି ପ୍ରଦର୍ଶନକୁ ନେଇ ରିପୋର୍ଟିଂ ପାଇଁ ପହଞ୍ଚିଥିବା ବିବିସି ସାମ୍ୱାଦିକଙ୍କୁ ମାଡ । ଚୀନ ପୋଲିସ ଉପରେ ଅଭିଯୋଗ ଯେ ଏହାର ଅଧିକାରୀମାନେ ସାମ୍ୱାଦିକଙ୍କ ସହ ଦୁର୍ବ୍ୟବହାର କରିବା ସହ ମାଡ ମାରିଥିଲେ । ସାମ୍ୱାଦିକଙ୍କୁ ହାତକଡି ପକାଇ ଟାଣି ଟାଣି ନେବା ମଧ୍ୟ ଅଭିଯୋଗ ହୋଇଛି । ପୋଲିସକର୍ମୀ ବିବିସି ସାମ୍ୱାଦିକଙ୍କୁ ହେପାଜତକୁ ନେବାର କିଛି ଘଣ୍ଟା ପରେ ଛାଡି ଦେଇଥିବା ଜଣାପଡିଛି । ମିଡିଆ ହାଉସ ପକ୍ଷରୁ ଜାରି ବୟାନ ଅନୁସାରେ, ‘ସଂଘାଇରେ ଆନ୍ଦୋଳନକୁ କଭର କରିବା ପହଞ୍ଚିଥିବା ତାଙ୍କ ସାମ୍ୱାଦିକ ଅଡ ଲରେନ୍ସଙ୍କ ସହ ଚୀନର ପୋଲିସକର୍ମୀ ମାରପିଟ୍ କରିଥିଲେ । ସାମ୍ୱାଦିକଙ୍କ ହାତକୁ ବାନ୍ଧି ତାଙ୍କୁ ଘୋଷାଡି ଘୋଷାଡି ନିଆଯାଇଥିଲା । ସାମ୍ୱାଦିକଙ୍କୁ ମାଡ ମରାଯିବା ପରେ ଗିରଫ କରାଯାଇଥିଲା, କିନ୍ତୁ କିଛି ଘଣ୍ଟା ପରେ ଛାଡ଼ି ଦିଆଯାଇଥିଲା’। କରୋନାର ପ୍ରକୋପକୁ ଅଟକାଇବା ପାଇଁ କଡ଼ା ପ୍ରତିବନ୍ଧକ ଲାଗୁ କରାଯାଇଛି । ଏହାକୁ ବିରୋଧର ଚୀନରେ ଜୋରଦାର ଆନ୍ଦୋଳନ କରାଯାଉଛି । ଆନ୍ଦୋଳନକାରୀଙ୍କ ଏହି ପ୍ରଦର୍ଶନ ଏବେ ବେଜିଂରେ ପହଞ୍ଚିଛି ।