ବିବାଦୀୟ ଟ୍ବିଟ ଯୋଗୁଁ ଗିରଫ ହେଲେ ଅଭିନେତା

କନ୍ନଡ ଅଭିନେତା ଚେତନ କୁମାରଙ୍କୁ ଗିରଫ କରିଛି ପୋଲିସ । ଚେତନ କୁମାର ହିନ୍ଦୁତ୍ୱ ବା ହିନ୍ଦୁଧର୍ମକୁ ନେଇ ଏକ ବିବାଦୀୟ ଟ୍ୱିଟ କରିଥିଲେ । ଏହାକୁ ନେଇ ବଜରଙ୍ଗଦଳ ତରଫରୁ ଚେତନଙ୍କ ବିରୋଧରେ ଥାନାରେ ଅଭିଯୋଗ କରାଯାଇଥିଲା । ଏହି ଅଭିଯୋଗ ଆଧାରରେ ଚେତନଙ୍କୁ ବେଙ୍ଗାଲୁର ପୋଲିସ ଗିରଫ କରିଛି । ସୋମବାର ଚେତନ କୁମାର ଏକ ଟ୍ୱିଟ୍ କରିଥିଲେ । ଏଥିରେ ସେ ଲେଖିଥିଲେ କି , ହିନ୍ଦୁଧର୍ମ ମିଥ୍ୟା ଉପରେ ଆଧାରିତ । ଏନେଇ ସେ ସାବରକରଙ୍କର ଏକ ବୟାନକୁ ମଧ୍ୟ କୋର୍ଟ କରିଥିଲେ । ସେ ଲେଖିଥିଲେ କି ସାବରକର କହିଥିଲେ ଯେତେବେଳେ ରାମଚନ୍ଦ୍ର ରାବଣକୁ ପରାସ୍ତ କରି ଅଯୋଧ୍ୟା ଫେରିଥିଲେ ସେତେବେଳେ ଭାରତ ଏକ ରାଷ୍ଟ୍ର ଭାବେ ଆରମ୍ଭ ହୋଇଥିଲା । ଏହାସହ ସେ ଲେଖିଥିଲେ କି ବାବରୀ ମସଜିଦ୍ ରାମଙ୍କ ଜନ୍ମଭୂମି ବୋଲି ଯାହା କୁହାଗଲା ତାହା ମିଥ୍ୟା । ସେ ଆହୁରି ଲେଖିଛନ୍ତି କି, ଟିପୁ ସୁଲତାନଙ୍କ ହତ୍ୟାକାରୀ ଭାବେ ଯେଉଁମାନେ ଓରିଗୈଡା ଓ ନାନଜେଗୌଡାଙ୍କ ନାମ ନେଉଛନ୍ତି ତାହା ସମ୍ପୂର୍ଣ୍ଣ ମିଥ୍ୟା । ଚେତନକୁମାରଙ୍କ ଏଭଳି ଟ୍ୱିଟ ଉପରେ ହିନ୍ଦୁ ସଂଗଠନମାନେ ଜୋରଦାର ବିରୋଧ କରିଥିଲେ ।