ବିଜେପିର ନର୍ବାଚନୀ ପ୍ରଭାରୀ ହେଲେ ଧର୍ମେନ୍ଦ୍ର

କର୍ଣ୍ଣାଟକ ବିଧାନସଭା ନିର୍ବାଚନ ହେବାକୁ ଥିବା ବେଳେ ଧର୍ମେନ୍ଦ୍ରଙ୍କୁ ନୂଆ ଦାୟିତ୍ବ । ବିଜେପିର ନର୍ବାଚନୀ ପ୍ରଭାରୀ ଭାବେ ନିଯୁକ୍ତ ହୋଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ବିଜେପିର ରାଷ୍ଟ୍ରୀୟ ସଭାପତି ଜେ.ପି ନଡ୍ଡା ଧର୍ମେନ୍ଦ୍ର ପ୍ରଧାନଙ୍କୁ ଏହି ଦାୟିତ୍ୱ ପ୍ରଦାନ କରିଛନ୍ତି । କର୍ଣ୍ଣାଟକ ସହ ଧର୍ମେନ୍ଦ୍ର ପ୍ରଧାନଙ୍କ ଭଲ ସମ୍ପର୍କ ଥିବାରୁ ତାଙ୍କୁ ଏହି ଦାୟିତ୍ୱ ଦିଆଯାଇଛି । ୨୦୨୧ରେ କର୍ଣ୍ଣାଟକର ରାଜନୈତିକ ସଙ୍କଟ ସମୟରେ ମଧ୍ୟ ଧର୍ମେନ୍ଦ୍ରଙ୍କୁ ସେଠାକାର ପର୍ଯ୍ୟବେକ୍ଷକ ଦାୟିତ୍ୱ ଦିଆଯାଇଥିଲା । ଏହା ପୂର୍ବରୁ ୨୦୧୧ରୁ ୨୦୧୩ ମଧ୍ୟରେ ଧର୍ମେନ୍ଦ୍ର ପ୍ରଧାନ କର୍ଣ୍ଣାଟକର ଦାୟିତ୍ୱ ଥିଲେ । ତେଣୁ ସେଠାକାର ରାଜ୍ୟ ନେତୃବୃନ୍ଦଙ୍କ ସହ ଧର୍ମେନ୍ଦ୍ରଙ୍କ ପୁରୁଣା ସମ୍ପର୍କ ରହିଛି । ଏହାକୁ ଦୃଷ୍ଟିରେ ରଖି ତାଙ୍କୁ ଏହି ଦାୟିତ୍ବ ମିଳିଛି ।