ବିଜେପିର ଗେମ୍ ପ୍ଲାନକୁ ତୀବ୍ର ସମାଲୋଚନା

କଂଗ୍ରେସ ମହାଧିବେଶନରେ ୫୮ ସୂତ୍ରୀ ରାଜନୈତିକ ପ୍ରସ୍ତାବ ଗୃହିତ । ନିର୍ବାଚନୀ ସଂସ୍କାର, ଇଲେକ୍ଟ୍ରୋରାଲ ବଣ୍ଡ, ଇଭିଏମ, ଜାମ୍ମୁ ଓ କାଶ୍ମୀରକୁ ରାଜ୍ୟ ମାନ୍ୟତା ଆଦି ପ୍ରସଙ୍ଗ ସମେତ ଏଥିରେ ଅନ୍ୟାନ୍ୟ ପ୍ରସ୍ତାବ ରହିଛି । ଗୃହିତ ପ୍ରସ୍ତାବରେ ବିଜେପିର ଗେମ୍ ପ୍ଲାନକୁ ତୀବ୍ର ସମାଲୋଚନା କରାଯାଇଛି । ୨୦୨୪ରେ ବିଜେପିର ପରାଜୟ ନେଇ କଂଗ୍ରେସ ସୂଚନା ଦେବା ସହ ରାଜନୈତିକ ଦଳ ଓ ଭାରତର ଗଣତାନ୍ତ୍ରିକ ବ୍ୟବସ୍ଥା ପ୍ରତି ବିଜେପି ଏକ ବୃହତ ଚାଲେଞ୍ଜ ବୋଲି ଦର୍ଶାଯାଇଛି । ଦଳ ପକ୍ଷରୁ କୁହାଯାଇଛି, ‘ବର୍ତ୍ତମାନ ଚାଲିଥିବା ଇଲେକ୍ଟୋରାଲ ବଣ୍ଡ ନାମରେ ବ୍ୟାପକ ଅନିୟମିତତା ହେଉଛି । ତେଣୁ ଏକ ଜାତୀୟ ନିର୍ବାଚନ ପାଣ୍ଠି ଗଠନ କରାଯାଉ । ସ୍ବଚ୍ଛତା ଭିତ୍ତିରେ ବିଭିନ୍ନ ଦଳକୁ ଏହି ପାଣ୍ଠିରୁ ଅର୍ଥ ପ୍ରଦାନ କରାଯାଉ । ଦେଶରେ ଭୋଟରଙ୍କ ଆସ୍ଥା ଲାଗି ବ୍ୟବସ୍ଥା କରିବା ଲାଗି ପ୍ରସ୍ତାବରେ ଦାବି କରାଯାଇଛି । ଏହି ପ୍ରସଙ୍ଗକୁ ନେଇ ନିର୍ବାଚନ କମିଶନଙ୍କ ନିକଟରେ ଉଠାଇବାକୁ ପରାମର୍ଶ ଦିଆଯାଇଛି ।’