ବଢୁଛି ମୋବାଇଲ କିଣା

କରୋନା ପରେ ମୋବାଇଲ୍‌ ବ୍ୟବହାର ବଢିଛି । ଅଫିସ୍‌ କାମଠାରୁ ଆରମ୍ଭ କରି ସ୍କୁଲ କଲେଜ ସବୁସ୍ଥାନରେ ମୋବାଇଲର ବ୍ୟବହାରରେ ଢେର ବୃଦ୍ଧି ହୋଇଛି । ତେବେ ଏକ ରିପୋର୍ଟ ଅନୁସାରେ ଭାରତରେ ୨୦୨୬ ସୁଦ୍ଧା ଏହି ସଂଖ୍ୟା ୧ ବିଲିଅନ୍‌କୁ ଛୁଇଁବ । ଡିଲୋଇଟି ପକ୍ଷରୁ ହୋଇଥିବା ଏକ ସର୍ଭେରେ ଏଭଳି ତଥ୍ୟ ସାମନାକୁ ଆସିଛି । ସୂଚନା ଅନୁସାରେ ୨୦୨୧ରେ ଭାରତରେ ୧.୨ ବିଲିଅନ ମୋବାଇଲ୍‌ ସବ୍‌ସ୍କ୍ରାଇବ୍‌ର ରହିଥିଲେ । ଯେଉଁଥିରୁ ୭୫୦ ମିଲିଅନ ଲୋକ ସ୍ମାର୍ଟଫୋନ୍‌ ବ୍ୟବହାର କରୁଛନ୍ତି । ତେବେ ଏହି ରିପୋର୍ଟରେ ଥିବା ତଥ୍ୟ ଅନୁସାରେ ଭାରତ ଆଗକୁ ମୋବାଇଲ ନିର୍ମାଣରେ ଦୁନିଆର ଦ୍ୱିତୀୟ ସର୍ବାଧିକ ରାଷ୍ଟ୍ରରେ ପରିଣତ ହେବ । ତେବେ ଏହି ଗ୍ରୋଥର କାରଣ ଗ୍ରାମୀଣ ଅଞ୍ଚଳରେ ବଢିଥିବା ମୋବାଇଲ ବ୍ୟବହାର । ଗ୍ରାମୀଣ ଅଞ୍ଚଳରେ ଏହି ରେଟ୍‌ ୬ ପ୍ରତିଶତ ବଢିଥିବା ବେଳେ ସହରାଞ୍ଚଳରେ ଏହା ୨.୫ ରହିଛି । ତେବେ ଏହାର ସକରାତ୍ମକ ପ୍ରଭାବରେ ଦେଶର ପ୍ରଯୁକ୍ତି ବିଦ୍ୟାରେ ଅଗ୍ରଗତି ହେବ । ୨୦୨୫ ଭିତରେ ଭାରତର ସମସ୍ତ ଗ୍ରାମକୁ ଇଣ୍ଟରନେଟ୍‌ ସହ ଯୋଡିବାର ଲକ୍ଷ ହାସଲ କରିବାରେ ସଫଳ ହେବ ବୋଲି ମତ ପ୍ରକାଶ ପାଇଛି । ସେହିଭଳି ବର୍ତ୍ତମାନ ପ୍ରାୟ ୯୫ ପ୍ରତିଶତ ଲୋକ ନୂଆ ସ୍ମାର୍ଟଫୋନ୍‌ କିଣୁଥିବା ବେଳେ ମାତ୍ର ୫ ପ୍ରତିଶତ ପୁରୁଣା କିଣୁଛନ୍ତି । ତେବେ ୨୦୨୧ରେ ଏହି ରେଟ୍‌ ୭୫, ୨୫ ରହିଥିଲା । ଏହି ବୃଦ୍ଧି ପଛରେ ୫ଜି କନେକଫିଭିଟି, ହାଇ ସ୍ପିଡ୍‌ ଇଣ୍ଟରନେଟ୍‌, ରିମୋଟ୍‌ ହେଲ‘କେୟାର ଆଦି ରହିଛି । ଯାହାଫଳରେ ଏହା ଭବିଷ୍ୟତରେ ୧ ବିଲିଅନ୍‌ରେ ପହଞ୍ଚିବ ବୋଲି ଆକଳନ କରାଯାଉଛି ।