ବଙ୍ଗୋପସାଗରରେ ବସା ବାନ୍ଧୁଛି ଘୂର୍ଣ୍ଣିବଳୟ । ଉକ୍ତ ଘୂର୍ଣ୍ଣିବଳୟଟି ଉତ୍ତର -ପଶ୍ଚିମ ବଙ୍ଗୋପସାଗରରେ ସୃଷ୍ଟି ହେବା ସହ ଆସନ୍ତା ୧୯ ତାରିଖରେ ଲୋ ପ୍ରେସରରେ ପରିଣତ ହେବାନେଇ ସୋଆର କେନ୍ଦ୍ର ପରିବେଶ ଏବଂ ଜଳବାୟୁ ବିଭାଗ ସୂଚନା ଦେଇଛି । ଏହା ୧୮ ତାରିଖରେ ଉପକୂଳ ଓଡିଶା ଓ ଛତିଶଗଡ ମଧ୍ୟଦେଇ ଗତି କରିବ ଏବଂ ପରେ ପରେ ଉତ୍ତର-ପଶ୍ଚିମ ବଙ୍ଗୋପସାଗର ଆଡକୁ ଗତି କରିବ ବୋଲି ସିଇସି ନିର୍ଦ୍ଦେଶକ ଡକ୍ଟର ଏସ.ସି.ସାହୁ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଲୋ ପ୍ରେସର ଧିରେ ଧିରେ ୨୦ ତାରିଖ ସନ୍ଧ୍ୟା କିମ୍ବା ୨୧ ତାରିଖରେ ଡିପ ଡିପ୍ରେସନରେ ପରିଣତ ହେବ । ଏହାର ପ୍ରଭାବରେ, ଉପକୂଳ ଓଡ଼ିଶା, ଉତ୍ତର ଓଡିଶା ଏବଂ ପଶ୍ଚିମ ଓଡିଶା ଜିଲ୍ଲାରେ ହାଲୁକା ରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ଜୁଲାଇ ୨୦ ରୁ ୨୨ ମଧ୍ୟରେ ରାଜ୍ୟର ଉପକୂଳ, କେନ୍ଦ୍ରୀୟ ଏବଂ ଆଭ୍ୟନ୍ତରୀଣ ଜିଲ୍ଲା ଉପରେ ପ୍ରବଳରୁ ପ୍ରବଳ ବର୍ଷା ହେବ । ଏହି ସମୟ ମଧ୍ୟରେ ଉଭୟ ଓଡିଶା ଏବଂ ଛତିଶଗଡରେ ପ୍ରବଳ ବର୍ଷା ହୋଇପାରେ କିନ୍ତୁ ଜୁଲାଇ 22 ଏବଂ 23 ରେ ପଶ୍ଚିମ ଓଡିଶା ଏବଂ ଛତିଶଗଡରେ ଅଧିକ ବର୍ଷା ସମ୍ଭାବନା ରହିଛି ବୋଲି ଡାକ୍ତର ସାହୁ କହିଛନ୍ତି । ଏହାଦ୍ୱାରା ଓଡିଶାର ନଦୀରେ ଜଳ ସ୍ତର ବୃଦ୍ଧି ପାଇପାରେ ଏବଂ ପ୍ରବଳ ବର୍ଷା ସାରା ରାଜ୍ୟରେ ବୃଷ୍ଟିପାତର ଅଭାବକୁ ଦୂର କରିବ ବୋଲି ସେ କହିଛନ୍ତି ।
“The eyes believe themselves, the ears believe other people.”
More Stories
ରାଜ୍ୟରେ ପୁଣି ଲଜ୍ଜା, ଗଣ ଦୁଷ୍କର୍ମ ସହ ହତ୍ୟା ଆରୋପ
ଏଥର ଏସସିବିରେ ଉପଲବ୍ଧ ଏମ୍ଏନ୍ସିୟୁ ସୁବିଧା, ମା ସହ ଚିକିତ୍ସା ପାଇବେ ଶିଶୁ
ଓଡ଼ିଶାରେ ସୃଷ୍ଟି ହେଲେ ୧୦ ଲକ୍ଷରୁ ଅଧିକ ଲକ୍ଷପତି ଦିଦି