ଫେବୃଆରୀ ସୁଦ୍ଧା ଭାରତକୁ ଆସିବ ଏସ୍-400

ୟୁକ୍ରେନ୍ ବିରୋଧରେ ଘମାଘୋଟ ଯୁଦ୍ଧ ଚଳାଇଥିବା ରୁଷ ଆସନ୍ତା ଫେବୃଆରୀ ସୁଦ୍ଧା ଭାରତକୁ ତୃତୀୟ ୟୁନିଟ୍ ଏସ୍-୪୦୦ ଏୟାର ଡିଫେନ୍ସ ମିସାଇଲ ସିଷ୍ଟମ ଦେବ । ଭାରତୀୟ ତଦାରଖ ଦଳ ଏହି ଯୁଦ୍ଧାସ୍ତ୍ର ପ୍ରସ୍ତୁତି ଦେଖିବା ନିମନ୍ତେ ରୁଷରେ ପହଞ୍ଚି ସାରିଛନ୍ତି । ବୟୁସେନାର ଅଧିକାରୀମାନେ ଏହି ତଦାରଖ ଦଳରେ ସାମିଲ ଅଛନ୍ତି । ଏହି ଅତ୍ୟାଧୁନିକ ମିସାଇଲ ସିଷ୍ଟମ ଉଭୟ ଆକାଶ ଓ ଜଳପଥ ଯୋଗେ ଭାରତ ପହଞ୍ଚିବ । ରୁଷ ପକ୍ଷରୁ କୁହାଯାଇଛି ଯେ, ଜାନୁଆରୀରୁ ଫେବୃଆରୀ ଭିତରେ ଏହି ମିସାଇଲ ସିଷ୍ଟମକୁ ତୃତୀୟ ଦଫାରେ ଭାରତକୁ ଯୋଗାଇ ଦିଆଯିବ। ଏହି ମିସାଇଲ ସିଷ୍ଟମ ୪୦୦ କିଲୋମିଟର ରେଞ୍ଜ ଭିତରେ ଯେକୌଣସି ଯୁଦ୍ଧ ବିମାନକୁ ମାରି ଧ୍ୱଂସ କରିଦେବ।