ପୋଲିସ୍ ସ୍କାନରରେ ୩ଜଣ ବିଜ୍ଞାନ ଛାତ୍ରୀ

ବିଜେବି କଲେଜ ଛାତ୍ରୀ ରୁଚିକା ଆତ୍ମହତ୍ୟା ମାମଲା । ମୋଟ ୧୩୫ ଜଣଙ୍କୁ ପୋଲିସ ପଚରାଉଚରା କରିଛି । ସେମାନଙ୍କ ଭିତରୁ ଯୁକ୍ତ ୩ ଶେଷ ବର୍ଷର ୩ଜଣ ବିଜ୍ଞାନ ଛାତ୍ରୀଙ୍କ ବିଷୟରେ ବଳିଷ୍ଠ ପ୍ରମାଣ ପାଇଛି ପୋଲିସ । ତେବେ ଏନେଇ ଆଜି ବି ପଚରାଉଚରା କରିବ ପୋଲିସ । ଗତାକାଲିର ଦ୍ୱିତୀୟ ଦିନରେ ୭୫ ଜଣଙ୍କୁ ପଚରାଉଚରା କରିଥିଲା ପୋଲିସ । ସେମାନଙ୍କ ମଧ୍ୟରେ କ୍ଲାସମେଟ, ସିନିୟର ଛାତ୍ରୀ, ଜୁନିୟର ଛାତ୍ରୀ, ଓ ଗେଟ ଚେକିଂ ଦାୟିତ୍ୱରେ ଥିବ କର୍ମଚାରୀ ଥିଲେ । ଏହାସହ ହଷ୍ଟେଲ ସିସିଟିଭିକୁ ଯାଞ୍ଚ କରିଛି ପୋଲିସ । ରୁଚିକାଙ୍କ ମୋବାଇଲ ସିଡ଼ିଆର ପୋଲିସ ମାଗିବା ସହ ତାଙ୍କ ମୋବାଇଲର କରାଯିବ ଫରନେସିକ ଯାଞ୍ଚ । କାରୁବାକି ହଷ୍ଟେଲରେ ସିନିୟର ଓ ଜୁନିୟରଙ୍କୁ ନେଇ ଥିବା ୭୦ ଜଣିଆ ହ୍ୱାଟସ୍‌ଆପ୍ ଗ୍ରୁପ ବିଷୟରେ ପୋଲିସ ପ୍ରମାଣ ପାଇଛି । ଗ୍ରୁପର କିଛି ସ୍କ୍ରିନସଟ୍ ବି ହସ୍ତଗତ ହୋଇଛି । ଏଥିରେ ସିନିୟରଙ୍କୁ ଗୁଡ୍ ମର୍ଣ୍ଣିଂ, ଗୁଡ୍ ନାଇଟ୍ ମେସେଜ ଦେବାକୁ ବାଧ୍ୟ କରାଯାଉଥିଲା । ତେବେ କିଏ ଏହି ଗ୍ରୁପର ଆଡମିନ୍ ? ତାହା ଜଣାପଡିବା ପରେ ଅଭିଯୁକ୍ତ ନିକଟରେ ପହଞ୍ଚିବାକୁ ପୋଲିସକୁ ସମ୍ଭବ ହେବ । ସେପଟେ ହ୍ୟାଣ୍ଡରାଇଟିଂ ବ୍ୟୁରୋର ରିପୋର୍ଟକୁ ଅପେକ୍ଷା କରିଛି ବଡ଼ଗଡ଼ ଥାନା ପୋଲିସ ।