ପୁଣି ଦକ୍ଷିଣ ଆଫ୍ରିକାରୁ ଆସିବ ଆଉ ୧୨ଟି ଚିତା

ଫେବ୍ରୁଆରୀ ମାସ ଶେଷ ସୁଦ୍ଧା ଦକ୍ଷିଣ ଆଫ୍ରିକାରୁ ଆସିବ ଆଉ ୧୨ଟି ଚିତା । ଏଥିପାଇଁ ଗତ ଜାନୁଆରୀ ୨୬ରେ ଭାରତ-ଦକ୍ଷିଣ ଆଫ୍ରିକା ମଧ୍ୟରେ ଚୁକ୍ତି ସ୍ୱାକ୍ଷର ହୋଇସାରିଛି । ଏଥିପାଇଁ ମଧ୍ୟପ୍ରଦେଶର କୁନୋ ନ୍ୟାସନାଲ ପାର୍କରେ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଜାତୀୟ ପାର୍କ ପ୍ରବନ୍ଧନ ସମସ୍ତଙ୍କ ପାଇଁ ସବୁ ପ୍ରସ୍ତୁତିକୁ ଶେଷ କରିଦେଇଛି । କୁନୋ ଜାତୀୟ ଉଦ୍ୟାନରେ ଚିତାଙ୍କ ପାଇଁ ପ୍ରଚୁର ଖାଦ୍ୟ ଏବଂ ପାନୀୟର ବନ୍ଦୋବସ୍ତ କରାଯାଇଛି । ଚିତାଙ୍କୁ କ୍ୱାରେଣ୍ଟିନରେ ରଖିବା ପାଇଁ ୧୦ଟି ବଡ ଖୁଆଡ ପ୍ରସ୍ତୁତ କରାଯାଇଛି । ସମସ୍ତ ୧୨ଟି ଚିତାଙ୍କୁ ପ୍ରଥମେ ଏଠାରେ ରଖାଯିବ । ସବୁଠାରୁ ବଡ କଥା ଯେ ପ୍ରଥମ ଥର ପାଇଁ ୮ଟି ନୂଆ ଖୁଆଡକୁ ପ୍ରସ୍ତୁତ ରଖାଯାଉଛି । ସେହିଭଳି ୪ଟି ପୁରୁଣା ଖୁଆଡର ମରାମତି ମଧ୍ୟ କରାଯାଇଛି ।