ପାରାଦୀପରେ ଅଳ୍ପକେ ବର୍ତ୍ତିଲେ ୭ ମତ୍ସ୍ୟଜୀବୀ

ପାରାଦୀପରେ ଅଘଟଣ । ମଝି ସମୁଦ୍ରରେ ପଟା ଫାଟି ବୋଟରେ ପଶିଲା ପାଣି । ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଲେ ୭ ଜଣ ମତ୍ସ୍ୟଜୀବୀ । ତେବେ ସମସ୍ତ ମତ୍ସ୍ୟଜୀବୀଙ୍କୁ ଅନ୍ୟ ଏକ ବୋଟକୁ ଉଦ୍ଧାର କରାଯାଇ ଥିବାବେଳେ ବୋଟ୍ ସହିତ ଲକ୍ଷାଧିକ ଟଙ୍କାର ଜାଲ ଓ ମାଛ ସମୁଦ୍ରରେ ବୁଡ଼ିଯାଇଛି । ବିଳମ୍ବିତ ରାତିରେ ସମୁଦ୍ରରେ ମାଛ ଧରୁଥିବାବେଳେ ବଟ୍ଟ ମହାପୁରୁଷ ନାମକ ବୋଟର କାଠ ଫାଟିଯିବାରୁ ବୋଟଟି ସମୁଦ୍ର ବୁଡିଯାଇଥିଲା । ଫଳରେ ଏଭଳି ଅଘଟଣ ଘଟିଥିଲା ।