ନେପାଳର ଆଖାମ ଜିଲ୍ଲାରେ ଭୂସ୍ଖଳନ, ଅନେକଙ୍କ ମୃତ୍ୟୁ

ନେପାଳର ଆଖାମରେ ଭୂସ୍ଖଳନ । ଘଟଣାରେ ଆଖାମ ଜିଲ୍ଲାର ବିଭିନ୍ନ ସ୍ଥାନରୁ ଅତି କମରେ ୧୩ ଜଣଙ୍କର ମୃତ୍ୟୁ ଘଟିଥିବା ବେଳେ ୧୦ ଜଣ ନିଖୋଜ ଅଛନ୍ତି । ବର୍ତ୍ତମାନ ପର୍ଯ୍ୟନ୍ତ ୧୦ ଜଣଙ୍କୁ ଉଦ୍ଧାର କରାଯାଇଥିବା ଡେପୁଟି ଚିଫ୍ ଜିଲ୍ଲା ଅଧିକାରୀ ଦୀପେଶ ରିଜଲ କହିଛନ୍ତି । ଏହି ବିପର୍ଯ୍ୟୟ ପରେ ନେପାଳ ଗୃହମନ୍ତ୍ରୀ ଉକ୍ତ ଅଞ୍ଚଳରେ ସର୍ଚ୍ଚ ଓ ଉଦ୍ଧାର କାର୍ଯ୍ୟ ପାଇଁ ହେଲିକପ୍ଟର ନିୟୋଜିତ କରିବାକୁ ନିର୍ଦ୍ଦେଶ ଦେଇଛନ୍ତି । ଏହି ଭୂସ୍ଖଳନ ପରେ ସେଠାକାର ଲୋ‌କେ ଭୟଭୀତ ହୋଇପଡ଼ିଛନ୍ତି । ଏହାସହ ବର୍ତ୍ତମାନ ସୁଦ୍ଧା ଉଦ୍ଧାର କାର୍ଯ୍ୟ ଜାରି ରହିଛି ।