ନିର୍ମାଣାଧିନ ପୋଲ ଭୁଶୁଡ଼ି ୧୭ ଶ୍ରମିକଙ୍କ ମୃତ୍ୟୁ

ମିଜୋରାମରେ ଭୁଶୁଡ଼ିଲା ନିର୍ମାଣାଧିନ ପୋଲ । ମିଜୋରାମର ରାଜଧାନୀ ଆଇଜ୍ବାଲ ନିକଟରେ ନିର୍ମାଣ ହେଉଥିବା ରେଳ ଧାରଣା ପାଇଁ ଯାଉଥିବା ଏହି ବ୍ରିଜ୍ ନିର୍ମାଣରେ ୪୦ରୁ ଉର୍ଦ୍ଧ୍ବ ଶ୍ରମିକ କାମ କରୁଥିଲେ । ତେବେ ୧୭ ଜଣଙ୍କ ମୃତ୍ୟୁ ହୋଇଥିବାବେଳେ ଅନେକ ଶ୍ରମିକ ପୋତି ହୋଇ ରହିଥିବା ସୂଚନା ମିଳିଛି । ସେପଟେ ଜିଲ୍ଲା ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ଘଟଣାକୁ ନେଇ ମିଜୋରାମ ମୁଖ୍ୟମନ୍ତ୍ରୀଙ୍କ ସହ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ପ୍ରଧାନମନ୍ତ୍ରୀ ଦୁଃଖ କରିଛନ୍ତି। ପ୍ରାଣ ହରାଇଥିବା ବ୍ୟକ୍ତିଙ୍କ ପରିବାରବର୍ଗଙ୍କ ପାଇଁ ୨ ଲକ୍ଷ ଟଙ୍କା ଲେଖାଏଁ ଅନୁକମ୍ପାମୂଳକ ଓ ଆହତ ବ୍ୟକ୍ତିଙ୍କ ଚିକିତ୍ସା ପାଇଁ ୫୦ ହଜାର ଲେଖାଏଁ ଟଙ୍କା ସହାୟତା ଘୋ‌ଷଣା କରିଛନ୍ତି। ଟୁଇଟ୍‌ କରି ପ୍ରଧାନମନ୍ତ୍ରୀ ଲେଖିଛନ୍ତି, ମିଜୋରାମ ଅଘଟଣ ପାଇଁ ବ୍ୟଥିତ । ପ୍ରିୟଜନଙ୍କୁ ହରାଇଥିବା ‌ଲୋକାମନଙ୍କ ପ୍ରତି ସମବେଦନା ଜଣାଉଛି । ଆହତମାନଙ୍କର ଆଶୁ ଆରୋଗ୍ୟ କାମନା କରୁଛି । ଉଦ୍ଧାର କାର୍ଯ୍ୟ ଚାଲିଛି । ପ୍ରଭାବିତ ଲୋକମାନଙ୍କୁ ସମ୍ଭାବ୍ୟ ସମସ୍ତ ସାହାଯ୍ୟ ଯୋଗାଇ ଦିଆଯାଉଛି ।