ନିଜ ବୟାନରେ ଅଟଳ ରହିଛନ୍ତି ଟ୍ରୁଡୁ

ଥମିବାର ନାଁ ନେଉନି ଭାରତ-କାନାଡା କୂଟନୈତିକ ବିବାଦ । ହରଦୀପ ସିଂ ନିଜାର ହତ୍ୟା ଘଟଣାରେ ଭାରତ ସରକାରଙ୍କ ଏଜେଣ୍ଟ ସାମିଲ ବୋଲି ପୁଣି ଦୋହରାଇଛନ୍ତି କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୁ। ସେପଟେ ଏହି ବିବାଦକୁ ନେଇ ଆଲୋଚନା କରିଛନ୍ତି ଜାତୀୟ ନିରାପତ୍ତା ପରାମର୍ଶଦାତା ଅଜିତ ଡୋଭାଲ ଓ କାନାଡା ପ୍ରତିପକ୍ଷ । ନିଜାରର ହତ୍ୟା ସମ୍ପର୍କରେ ଭାରତର ସମ୍ପୃକ୍ତି ନେଇ ଟ୍ରୁଡୁଙ୍କ ଅଭିଯୋଗକୁ ଭାରତ ବାରମ୍ବାର ଖଣ୍ଡନ କରୁଥିଲେ ବି ନିଜ ବୟାନରେ ଅଟଳ ରହିଛନ୍ତି ଟ୍ରୁଡୁ । ନିଜାରର ହତ୍ୟା ଘଟଣାରେ କାନାଡା କୌଣସି ସ୍ପଷ୍ଟ ସୂଚନା ଦେଉନାହିଁ ବୋଲି ଭାରତ କହିଛି। କାନାଡା କୂଟନୀତିଜ୍ଞଙ୍କ ସଂଖ୍ୟା ହ୍ରାସ କରିବାକୁ ଭାରତ ଗତକାଲି କହିବା ପରେ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲା କାନାଡା।