ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଏକ ଭିଡିଓ ଭାଇରାଲ । ରାଜ୍ୟର ମୁଖ୍ୟମନ୍ତ୍ରୀଙ୍କ ଏପରି ବ୍ୟବହାରକୁ ନେଇ ଲୋକେ ତାଜୁବ । ଖୋଦ୍ ଗୃହମନ୍ତ୍ରୀ ଥିବା ନୀତିଶ ଭୁଲିଯାଇଛନ୍ତି ତାଙ୍କ ବିଭାଗ । ଭିଡିଓରେ ଦେଖିବାକୁ ମିଳିଛି ସେ ଜନତା ଦରବାରରେ ବସିଛନ୍ତି । ତାଙ୍କ ଆଖପାଖରେ ଅଧିକାରୀଙ୍କ ଭିଡ଼ ରହିଛି ଏବଂ ତାଙ୍କ ସାମ୍ନାରେ ଜଣେ ଅଭିଯୋଗକାରୀ ବସିଛନ୍ତି । ଯାହାଙ୍କ ସମସ୍ୟା ସେ ଶୁଣୁଛନ୍ତି । ନିଜେ ରାଜ୍ୟର ଗୃହ ବିଭାଗର ପ୍ରଭାରୀ ହେବା ସତ୍ତ୍ୱେ ମୁଖ୍ୟମନ୍ତ୍ରୀ ନିଜ ସହୋଯୋଗୀଙ୍କୁ ରାଜ୍ୟର ଗୃହମନ୍ତ୍ରୀଙ୍କୁ ଜନତା ଦରବାରରେ ଆସିଥିବା ଅଭିଯୋଗକାରୀଙ୍କୁ ଭେଟିବା ପାଇଁ କହିଥିଲେ । ଏହାକୁ ନେଇ ବିରୋଧୀ ତାଙ୍କୁ ଟାର୍ଗେଟ କରିଛନ୍ତି । ବିରୋଧୀ କହିଛନ୍ତି ଯିଏ ନିଜ ବିଭାଗ ଜାଣିପାରୁନାହାନ୍ତି ସେ ରାଜ୍ୟ କଣ ଚଳାଇବେ । ନୀତିଶ କୁମାରଙ୍କ ପାଖରେ ରାଜ୍ୟର ଗୃହ ଏବଂ ସାମାନ୍ୟ ପ୍ରଶାସନ ସହିତ ଅନ୍ୟ ବିଭାଗ ରହିଛି । ଏପରି ସ୍ଥିତିରେ ସେ ନିଜ ବିଭାଗ ଭୁଲିଯିବାକୁ ନେଇ ଟ୍ରୋଲ୍ ହୋଇଛନ୍ତି । ତେବେ ଏହି ଜନତା ଦରବାରରେ ମୁଖ୍ୟମନ୍ତ୍ରୀ ୫୧ ଜଣଙ୍କ ସମସ୍ୟା ଶୁଣିଥିଲେ । ଏହି ଦିଗରେ ଆବଶ୍ୟକୀୟ ପଦକ୍ଷେପ ନେବା ପାଇଁ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ ।
“The eyes believe themselves, the ears believe other people.”
More Stories
କଳାହାଣ୍ଡି ଗସ୍ତରେ ମୁଖ୍ୟମନ୍ତ୍ରୀ, ଲାଗିଛି ବ୍ୟାପକ ପ୍ରସ୍ତୁତି
କଥା ରଖିଲେ ମୋହନ, ଶ୍ରୀମନ୍ଦିରକୁ 500 କୋଟିର କର୍ପସ ପାଣ୍ଠି ମଞ୍ଜୁର
ସବୁଠୁ ବଡ ସମସ୍ୟା ମହିଳାଙ୍କ ସୁରକ୍ଷା- ସୁପ୍ରିୟା ଶ୍ରୀନେତ