ନବୀନଙ୍କ ଫିଟନେସ ଦେଖି ଘାଇଲା ବିରୋଧୀ

ଭୁବନେଶ୍ୱର: ଫେବୃଆରୀ ୧୯: ସାରା ରାଜ୍ୟରେ ନିର୍ବାଚନୀ ମାହୋଲ । ଆଉ ଏହି ମାହୋଲରେ ମୁଖ୍ୟମନ୍ତ୍ରୀଙ୍କ ଅସୁସ୍ଥତା ନେଇ ଅପପ୍ରଚାର ଉପରେ ପଡିଲା ପୂର୍ଣ୍ଣଛେଦ୍ । ସବୁ ଗୁଜବକୁ ଫୁ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତକାଲି ଲିଙ୍ଗରାଜ ମନ୍ଦିର ପରିସର ବୁଲି ଦେଖିଛନ୍ତି । କାର୍ଯ୍ୟକ୍ରମ ଅଧିନରେ ଲିଙ୍ଗରାଜ ମନ୍ଦିର ଓ ଆଖପାଖ ଅଞ୍ଚଳର ବିକାଶର ଅଗ୍ରଗତି ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ । ଖାଲି ସେତିକି ନୁହେଁ ଦର୍ଶନ ସାରି ନିଜ ସ୍ୱାସ୍ଥ୍ୟକୁ ନେଇ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ଯେବେ ଯେବେ ନିର୍ବାଚନ ଆସେ, ସେତେବେଳେ ମୁଁ ଅସୁସ୍ଥ ବୋଲି ଗୁଜବ ଉଠେ । ହେଲେ ମୁଁ ସଂପୂର୍ଣ୍ଣ ସୁସ୍ଥ ଅଛି ଆଉ ଖୁସି ଅଛି । ଏଭଳି ପ୍ରତିକ୍ରିୟା ରଖି ବିରୋଧୀଙ୍କୁ କଡା ଜବାବ ଦେଇଛନ୍ତି ବିଜେଡି ସୁପ୍ରିମୋ।