ଦେଶରେ ବଢିବ ଚିତାଙ୍କ ସଂଖ୍ୟା

ଏଣିକି ଦେଶରେ ବଢିବ ଚିତାଙ୍କ ସଂଖ୍ୟା । ଦ୍ବିତୀୟ ପର୍ଯ୍ୟାୟରେ ଆସନ୍ତା ୧୮ରେ ଭାରତ ଆସିବେ ୧୨ ଚିତା  । ସେମାନଙ୍କ ମଧ୍ୟରୁ ୭ଟି ପୁରୁଷ ଓ ୫ଟି ମହିଳା ଚିତା ରହିଛନ୍ତି  । ଦକ୍ଷିଣ ଆଫ୍ରିକାରୁ ଆସୁଥିବା ନୂଆ ଅତିଥିଙ୍କୁ ମଧ୍ୟ ପ୍ରଦେଶ କୁନୋ ଜାତୀୟ ଉଦ୍ୟାନରେ ରଖାଯିବ  । ୧୨ ଚିତାଙ୍କୁ ଆଣିବା ପାଇଁ ଆଜି ସକାଳୁ ହିଣ୍ଡନ ଏୟାରବେସ୍‌ରୁ ଦକ୍ଷିଣ ଆଫ୍ରିକା ଅଭିମୁଖେ ଭାରତୀୟ ବାୟୁସେନାର ସି ୧୭ ଗ୍ଲୋବମାଷ୍ଟର ଉଡାଣ ଆରମ୍ଭ କରିଛି  । ୧୮ରେ କେନ୍ଦ୍ରମନ୍ତ୍ରୀ ଭୁପେନ୍ଦ୍ର ଯାଦବ ଓ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କୁନୋ ଜାତୀୟ ଉଦ୍ୟାନରେ ଚିତାକୁ ଛାଡିବେ । ଶନିବାର ସକାଳେ ମଧ୍ୟପ୍ରଦେଶର ଗ୍ବାଲିଅର ବିମାନ ବନ୍ଦରରେ ପ୍ରଥମେ ଚିତା ପହଞ୍ଚିବେ । ଏହାର ୩୦ ମିନିଟ ପରେ ଭାରତୀୟ ବାୟୁସେନାର ସ୍ବତନ୍ତ୍ର ହେଲିକପ୍ଟର ଚିତାଙ୍କୁ ୧୬୫ କିଲୋମିଟର ଦୂର ଶ୍ୟୋପୁର ଜିଲ୍ଲାର କୁନୋରେ ଛଡାଯିବ ।