ଦୁବାଇର ଏକ ଆପାର୍ଟମେଣ୍ଟରେ ଭୟଙ୍କର ଅଗ୍ନିକାଣ୍ଡ

 ଦୁବାଇର ଏକ ଆପାର୍ଟମେଣ୍ଟରେ ଭୟଙ୍କର ଅଗ୍ନିକାଣ୍ଡ । ଏହି ଅଗ୍ନିକାଣ୍ଡରେ ୪ଜଣ ଭାରତୀୟଙ୍କ ସମେତ ମୋଟ ୧୬ଜଣଙ୍କର ମୃତ୍ୟୁ ହୋଇଛି । ଏହାସହ ୯ ଜଣଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ସୂଚନା ମୁତାବକ ସିଭିଲ ଡିଫେନ୍ସ ଅପରେଶନ ରୁମକୁ ଶନିବାର ୧୨.୩୫ ମିନିଟରେ ଫୋନ ଆସିଥିଲା କି, ଦୁବାଇର ଅଲ୍ ରାସ ଅଞ୍ଚଳରେ ଥିବା ଏକ ପୁରୁଣା ଆପର୍ଟମେଣ୍ଟରେ ନିଆଁ ଲାଗିଛି । ଏନେଇ ସୂଚନା ପାଇବା ପରେ ଦମକଳବାହିନୀ ଓ ଉଦ୍ଧାରକାରୀ ଦଳ ତୁରନ୍ତ ସେଠାରେ ପହଂଚିଥିଲେ । ସେପଟେ ଦୁବାଇ ପୋଲିସର ଶବଗୃହ ନିକଟରେ ଥିବା ଜଣେ ଭାରତୀୟ ସାମାଜିକ କାର୍ଯ୍ୟକର୍ତ୍ତା ନସୀର ବତନପଲ୍ଲୀ କହିଛନ୍ତି କି, ଏହି ଅଗ୍ନିକାଣ୍ଡରେ ୪ ଜଣ ଭାରତୀୟଙ୍କର ମୃତ୍ୟୁ ହୋଇଛି । ସେମାନଙ୍କ ମଧ୍ୟରୁ କେରଳରୁ ୨ଜଣ ଥିବା ବେଳେ ତାମିଲନାଡୁରୁ ୨ଜଣ ବ୍ୟକ୍ତିଙ୍କର ମୃତ୍ୟୁ ହୋଇଛି । ଏମାନେ ଏହି ଆପାର୍ଟମେଣ୍ଟରେ କାମ କରୁଥିଲେ ।