ଦିନିକିଆ ବିଶ୍ୱକପ୍ ପୂର୍ବରୁ ଅଷ୍ଟ୍ରେଲିଆକୁ ବଡ଼ ଝଟକା

ଦିନିକିଆ ବିଶ୍ୱକପ୍ ପୂର୍ବରୁ ଅଷ୍ଟ୍ରେଲିଆକୁ ବଡ଼ ଝଟକା । ଆହତ ହୋଇଛନ୍ତି ଦଳର ଦୁଇ ଦିଗ୍ଗଜ ଖେଳାଳୀ । ଅଷ୍ଟ୍ରେଲିଆକୁ ଏବେ ଦକ୍ଷିଣ ଆଫ୍ରିକା ଗସ୍ତରେ ଯିବାର ଅଛି । ଏହାପରେ ତାକୁ ଭାରତ ସହ ୩ଟି ଦିନିକିଆ ମ୍ୟାଚ୍ ଖେଳିବାର ଅଛି । ଏହାପରେ ୫ ଅକ୍ଟୋବରରୁ ଦିନିଆକିଆ ବିଶ୍ୱକପରେ ଭାଗ ନେବାର ଅଛି । ହେଲେ ଏହା ପୂର୍ବରୁ ବ୍ୟାଟ୍ସମ୍ୟାନ୍ ଷ୍ଟିଭ ସ୍ମିଥ ଏବଂ ବାମହାତୀ ଦ୍ରୁତ ବୋଲର ମିଚେଲ ଷ୍ଟାର୍କ ଆଘାତ କାରଣରୁ ଦକ୍ଷିଣ ଆଫ୍ରିକା ବିପକ୍ଷ ସିରିଜରୁ ବାଦ୍ ପଡ଼ିଛନ୍ତି । ସ୍ମିଥଙ୍କ ମଣିବନ୍ଧରେ ଆଘାତ କାରଣରୁ ଟି-୨୦ ଏବଂ ଦିନିକିଆ ସିରିଜରୁ ବାଦ୍ ପଡ଼ିଛନ୍ତି । ତାଙ୍କ ସ୍ଥାନରେ ଏଷ୍ଟନ ଟର୍ଣ୍ଣରଙ୍କୁ ଟି-୨୦ ଦଳରେ ସ୍ଥାନ ମିଳିଛି ସେହିପରି ମାର୍ନସ ଲାବୁସେନଙ୍କୁ ଦିନିକିଆ ଟିମରେ ସାମିଲ କରାଯାଇଛି । ସୂଚନାଥାଉକି ଅଧିନାୟକ ପାଟ କମିନ୍ସ ପୂର୍ବରୁ ହିଁ ଆହତ କାରଣରୁ ରେଷ୍ଟ ନେଉଛନ୍ତି । ୬ ସପ୍ତାହ ପାଇଁ ଦାଙ୍କୁ ବିଶ୍ରାମ ଦିଆଯାଇଛି ।