ଦଳୀୟକର୍ମୀଙ୍କୁ ସୋନିଆ ଓ ଖଡଗେଙ୍କ ବିଜୟମନ୍ତ୍ର

ତେଲେଙ୍ଗାନାରେ ସରିଲା କଂଗ୍ରେସ ମେଳି । ଦୁଇ ଦିନ ଧରି ଚାଲିଥିବା କଂଗ୍ରେସ କାର୍ଯ୍ୟକାରୀଣି କମିଟି ବୈଠକ ଶେଷ ହୋଇଛି । ଆଗକୁ ୨୦୨୪ ଲୋକସଭା ନିର୍ବାଚନ ସହ ୫ରାଜ୍ୟରେ ହେବ ବିଧାନସଭା ନିର୍ବାଚନ । ବିଜେପି ସରକାରଙ୍କୁ ମାତ ଦେବାକୁ ବୈଠକରେ ଚର୍ଚ୍ଚା ହୋଇଛି । ସୂଚନା ଅନୁସାରେ ଦଳ ସଂରକ୍ଷଣକୁ ନେଇ ମାଷ୍ଟରଷ୍ଟ୍ରୋକ ଖେଳିବାକୁ ଚାହୁଁଛି ଓ ଦଳିତଙ୍କ ଭୋଟ ଉପରେ ଅଧିକ ଫୋକସ କରୁଛି । ଚର୍ଚ୍ଚା ହେଉଛି ସିଡବ୍ଲୁସି ବୈଠକ କରି ତେଲେଙ୍ଗାନାରୁ ଶଂଖନାଦ କରିଛି ସୋନିଆ ବାହୀନୀ । ୨୦୨୪ ଲୋକସଭା ନିର୍ବାଚନରେ ବିଜେପି ସରକାରଙ୍କୁ କଳେବଳେ କୌଶଳେ ମାତ ଦେବାକୁ କଂଗ୍ରେସ କରୁଛି ଜୋରଦାର ପ୍ରସ୍ତୁତି । କିଭଳି ବିଜେପିର ବିଜୟ ରଥକୁ ରୋକାଯିବ ସେନେଇ ହାଇଦ୍ରାବାଦରେ ବସିଥିବା କଂଗ୍ରେସ କାର୍ଯ୍ୟକାରିଣୀ ବୈଠକରେ ଗୁରୁତ୍ୱପୂର୍ଣ୍ଣ ଆଲୋଚନା କରାଯାଇଛି । ଦଳର ଫୋକସରେ ରହିଛି ଜାତି ସମୀକରଣ । ଜାତିଗତ ଜନଗଣନା,ଦଳିତ, ଆଦିବାସୀ, ଓବିସି ସଂରକ୍ଷଣ ସୀମା ବୃଦ୍ଧି ଉପରେ ବରିଷ୍ଠ ନେତା ନିଜର ନିଜର ମତାମତ ରଖିଥିବା ଜଣାପଡିଛି ।