ଖୁବ୍ କମ୍ ସମୟରେ ମାତ୍ରାଧିକ ବର୍ଷା ଯୋଗୁଁ ଇରାନରେ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା । ଦକ୍ଷିଣାଞ୍ଚଳରେ ଅବସ୍ଥିତ ମରୁଡ଼ି ପ୍ରପୀଡ଼ିତ ଫାର୍ସ୍ ପ୍ରଦେଶରେ ଆକସ୍ମିକ ବନ୍ୟା ଆସିବାରୁ ୨୧ଜଣଙ୍କର ମୃତ୍ୟୁ ଘଟିଥିବା ସୂଚନା ମିଳିଛି । ଏସ୍ତାବାନ୍ ନଗରୀର ଗଭର୍ଣ୍ଣର୍ ୟୁସେପ୍ କାରେଗର୍ଙ୍କ କହିବା ଅନୁସାରେ ଅତି ପ୍ରବଳ ବର୍ଷା କାରଣରୁ ଏସ୍ତାବାନ୍ ନଗରୀ ପାଖ ଦେଇ ପ୍ରବାହିତ ରୌଦ୍ବାଲ୍ ନଦୀରେ ବଢ଼ି ଆସିଗଲା । ଆକସ୍ମିକ ବନ୍ୟା ଯୋଗୁଁ ପାଣି ଘେରରେ ଫସି ରହିଥିବା ୫୫ଜଣ ବ୍ୟକ୍ତିଙ୍କୁ ଉଦ୍ଧାରକାରୀ ଦଳ ଉଦ୍ଧାର କରିଛନ୍ତି । କିନ୍ତୁ ଏବେ ବି ଆହୁରି ୬ଜଣ ଲୋକଙ୍କର ପତ୍ତା ମିଳୁନି । ବନ୍ୟା ଯୋଗୁଁ ପ୍ରଦେଶର ୧୦ରୁ ଅଧିକ ଗାଁ ପ୍ରଭାବିତ ହୋଇଛି । ବନ୍ୟାରେ ଜୀବନ ହରାଇଥିବା ବ୍ୟକ୍ତିଙ୍କ ପରିବାରବର୍ଗଙ୍କୁ ଇରାନ୍ର ଗୃହମନ୍ତ୍ରୀ ଅହମଦ୍ ୱହିଦି ସମବେଦନା ଜ୍ଞାପନ କରିଛନ୍ତି ।
More Stories
ବାଂଲାଦେଶକୁ ବତ୍ୟା ଆଶଙ୍କା, ଓଡିଶାରୁ ଟଳିଲା ବିପଦ
ମିଥ୍ୟା ଦୁଷ୍କର୍ମ ଅଭିଯୋଗରେ ଯୁବକଙ୍କୁ ନ୍ୟାୟ, ଏବେ ଜେଲ ଯିବେ ମହିଳା
ରତନ ଟାଟଙ୍କ ପରେ କିଏ ସମ୍ଭାଳିବ ସାମ୍ରାଯ୍ୟ, ଚାଲିଛି ଖୁବ୍ ଚର୍ଚ୍ଚା