ଟେଷ୍ଟିଂ ବଢାଇବାକୁ କେନ୍ଦ୍ରର ନିର୍ଦ୍ଦେଶ

ଦେଶରେ କ୍ରମାଗତ ଭାବେ କରୋନା ସଂକ୍ରମଣ ବୃଦ୍ଧି ପାଉଛି । ଦୈନିକ ସଂକ୍ରମଣ ୬ ହଜାର ଡେଇଁବା ପରେ କେନ୍ଦ୍ର ଠାରୁ ଆରମ୍ଭ କରି ରାଜ୍ୟରେ ଚିନ୍ତା ପ୍ରକଟ ପାଇଛି । ସ୍ଥିତିକୁ ଦେଖି କେନ୍ଦ୍ର ସରକାର ଗୁରୁତ୍ବପୂର୍ଣ୍ଣ ବୈଠକ କରି ସବୁ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳଗୁଡ଼ିକୁ କରୋନା ଟେଷ୍ଟିଂ ସଂଖ୍ୟା ବୃଦ୍ଧି ପାଇଁ ନିର୍ଦ୍ଦେଶ ଦେଇଛନ୍ତି । ଦେଶରେ କରୋନା ସଂକ୍ରମଣ ଦିନକ ତଳେ ୬ ହଜାର ଡେଇଁଥିଲା । ଏହା ୨୦୦ ଦିନ ମଧ୍ୟରେ ସର୍ବାଧିକ। ତେଣୁ କେନ୍ଦ୍ର ସରକାର କରୋନା ହଟସ୍ପଟ ଚିହ୍ନଟ ସହ ଟେଷ୍ଟିଂ ବୃଦ୍ଧି ଓ ଇନଫ୍ଲୁଏଞ୍ଜା ଭଳି ରୋଗର ତତ୍କାଳୀନ ଚିହ୍ନଟ ପାଇଁ ରାଜ୍ୟ ଗୁଡ଼ିକୁ କହିଛନ୍ତି । ୧୦ ଦିନ ହେଲାଣି କରୋନା ସଂକ୍ରମଣ ଦ୍ରୁତଗତିରେ ବଢ଼ିବାରେ ଲାଗିଛି । ସଂକ୍ରମଣ ସଂଖ୍ୟା ୭ ଦିନରୁ କମ ସମୟରେ ଦୁଇ ଗୁଣ ହେଉଛି । ବର୍ତ୍ତମାନେ ୨୩ଟି ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ଧାର୍ଯ୍ୟ ସୀମା ଠାରୁ ବହୁତ କମ ମାତ୍ରାରେ କରୋନା ଟେଷ୍ଟିଂ ହେଉଉଛି। ତେଣୁ ପ୍ରତି ୧୦ ଲକ୍ଷ ଲୋକରେ ୧୦୦ ଟେଷ୍ଟିଂ କରିବାକୁ କୁହାଯାଇଛି। ବିଶେଷ କରି ଆରଟି-ପିସିଆର ସଂଖ୍ୟା ବୃଦ୍ଧି କରିବାକୁ ମାଣ୍ଡଭୀୟ କହିଛନ୍ତି।