ଜାଡ଼ର ମାଡ଼ରେ ଅସ୍ତବ୍ୟସ୍ତ ରାଜ୍ୟବାସୀ

ରାଜ୍ୟରେ ଶୀତ ଲହରୀ । ଉପାନ୍ତରୁ ଉପକୂଳ ଥରୁଛି ଓଡ଼ିଶା । ଜାଡ଼ର ମାଡ଼ରେ ଅସ୍ତବ୍ୟସ୍ତ ହୋଇ ପଡ଼ିଛି ସାରା ରାଜ୍ୟ । ପ୍ରବଳ ଥଣ୍ଡା ଅନୁଭୂତ ହେଉଥିବାବେଳେ ସକାଳୁ ଘନ କୁହୁଡ଼ି ଅନୁଭୂତ ହେୁଛି । ଲୋକେ ବାଇକରେ ଯାତାୟତ କରିବା ପାଇଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ବିଭନ୍ନ ସ୍ଥାନରେ ଲୋକେ ନିଆଁ ପୁଆଁଇ ହେଉଥିବା ମଧ୍ୟ ଦେଖିବାକୁ ମିଳୁଛି । ଶୀତ ପାଇଁ ସଂନ୍ଧ୍ୟାହେଲେ ବଜାର ଘାଟ ଖାଁ ଖାଁ ଲାଗୁଛି । ସେପଟେ ବାଲେଶ୍ବର ଜିଲ୍ଲା ନୀଳଗିରି ଅଞ୍ଚଳରେ ଅସହ୍ୟ ଜାଡ। ଜଙ୍ଗଲ ପାହାଡ ଘେରା ଟାଙ୍ଗଣା ନଈ ଓ ସୋନ ନଈ ଥିବା କାରଣରୁ ଅତ୍ୟଧିକ ଶୀତ ବଢ଼ୁଛି। ଶୀତ ଦାଉରୁ ରକ୍ଷା ପାଇବା ପାଇଁ ଲୋକେ ଏବେ ସନ୍ଧ୍ୟା ହେଲେ ଶୁଖିଲା କାଠ ଓ କୁଟାକୁ ଛକ ଛକରେ ନିଆଁ ପୋଇଁ ହୋଇ ବସୁଛନ୍ତି ।