ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବୟାନକୁ ସବୁଠି ଚର୍ଚ୍ଚା । ଦେଶରେ ହେବ କି ଆଗୁଆ ନିର୍ବାଚନ ? ସୋମବାର ତୃଣମୂଳ ଯୁବ କଂଗ୍ରେସକୁ ଉଦବୋଧନ ଦେଇ ଡିସେମ୍ବର କିମ୍ବା ଜାନୁଆରୀରେ କେନ୍ଦ୍ର ନିର୍ବାଚନ କରାଇପାରେ ବୋଲି କହିଛନ୍ତି ମମତା । ଟିଏମସି ଯୁବ ସଂଗଠନର ସମାବେଶକୁ ସମ୍ବୋଧିତ କରିବାବେଳେ ମମତା ବାନାର୍ଜୀ କହିଛନ୍ତି ଯେ, ଯଦି ବିଜେପି କ୍ରମାଗତ ତୃତୀୟ ଥର ପାଇଁ ଦେଶର କ୍ଷମତାକୁ ଫେରିବ ତେବେ ଦେଶକୁ ଏକଛତ୍ରବାଦୀ ଶାସନର ସାମ୍ନା କରିବାକୁ ପଡିବ । ଏଥିପାଇଁ ବିଜେପି ଆଗୁଆ ହେଲିକପ୍ଟର ବୁକିଂ କରିସାରିଛି । ଅନ୍ୟମାନେ ଯେପରି ଠିକ୍ ଭାବେ ପ୍ରଚାର କରି ପାରିବେନି ତାକୁ ନଜରରେ ରଖି ବିଜେପି ଆଗୁଆ ହେଲିକପ୍ଟର ବୁକିଂ କରିଥିବା ମମତା କହିଛନ୍ତି । ମମତାଙ୍କ ଆକଳନକୁ ନେଇ ଦେଶରେ ରାଜନୈତିକ ମାହୋଲ ଗରମ ହୋଇଛି । କିନ୍ତୁ ଏହି ଗରମ ମାହୋଲ ଉପରେ ପୂର୍ଣ୍ଣଚ୍ଛେଦ ପକାଇଛନ୍ତି ରାଜ୍ୟ ନିର୍ବାଚନ ଅଧିକାରୀ । ସେ ଏହି କଥାକୁ ଖଣ୍ଡନ କରିଛନ୍ତି । ନିର୍ବାଚନ ଦେଶର ସବୁଠାରୁ ବଡ଼ ପ୍ରକ୍ରିୟା । ସେଥିପାଇଁ ପ୍ରସ୍ତୁତି ଲମ୍ବା ସମୟ ଧରି ଚାଲୁଛି । ତେବେ ପ୍ରସ୍ତୁତି ସହ ଶୀଘ୍ର ନିର୍ବାଚନ ହେବାର କୌଣସି ଲିଙ୍କ ନାହିଁ ବୋଲି ସିଇଓ କହିଛନ୍ତି । ଜୁଲାଇ ସୁଦ୍ଧା ରାଜ୍ୟ ସମସ୍ତ ଇଭିଏମ ପାଇସାରିଛି । ଅକ୍ଟୋବର ୧ରୁ ଇଭିଏମ ଚେକିଂ ଆରମ୍ଭ ହୋଇ ନଭେମ୍ବରରେ ଶେଷ ହେବ । ଆସନ୍ତା ୧୩ରେ ଓଡ଼ିଶା ଆସିବେ ନିର୍ବାଚନ ଆୟୋଗଙ୍କ କାର୍ଯ୍ୟାଳୟର ବରିଷ୍ଠ ଅଧିକାରୀ । ରାଜ୍ୟର ସମସ୍ତ ଜିଲ୍ଲାପାଳଙ୍କ ସହ ନିର୍ବାଚନକୁ ନେଇ ଆଲୋଚନା କରିବା କାର୍ଯ୍ୟକ୍ରମ ରହିଛି । ସିଇଓ ଆଗୁଆ ନିର୍ବାଚନ ଚର୍ଚ୍ଚାକୁ ଟାଳି ଦେଉଥିବା ବେଳେ ସେପ୍ଟେମ୍ବରରେ ନିର୍ବାଚନ ଆୟୋଗଙ୍କ କାର୍ଯ୍ୟାଳୟର ବରିଷ୍ଠ ଅଧିକାରୀଙ୍କ ଓଡ଼ିଶା ଗସ୍ତକୁ ଭିନ୍ନ ଦୃଷ୍ଟିରେ ଦେଖିଛନ୍ତି ରାଜନୈତିକ ବିଶେଷଜ୍ଞ । ସେପଟେ ଆଗୁଆ ନିର୍ବାଚନ ନେଇ ଏହା ଏକ ବଡ଼ ସଂକେତ ବୋଲି ଚର୍ଚ୍ଚା ହେଉଛି ।
“The eyes believe themselves, the ears believe other people.”
More Stories
କଳାହାଣ୍ଡି ଗସ୍ତରେ ମୁଖ୍ୟମନ୍ତ୍ରୀ, ଲାଗିଛି ବ୍ୟାପକ ପ୍ରସ୍ତୁତି
କଥା ରଖିଲେ ମୋହନ, ଶ୍ରୀମନ୍ଦିରକୁ 500 କୋଟିର କର୍ପସ ପାଣ୍ଠି ମଞ୍ଜୁର
ସବୁଠୁ ବଡ ସମସ୍ୟା ମହିଳାଙ୍କ ସୁରକ୍ଷା- ସୁପ୍ରିୟା ଶ୍ରୀନେତ