ଚର୍ଚ୍ଚାରେ ବଲିଉଡ ଅଭିନେତା ଧର୍ମେନ୍ଦ୍ର

ଶବାନାଙ୍କୁ ଚୁମ୍ବନ ଦେଇ ଚର୍ଚ୍ଚାରେ ଅଭିନେତା ଧର୍ମେନ୍ଦ୍ର । ବରିଷ୍ଠ ଅଭିନେତା ଧର୍ମେନ୍ଦ୍ର ରକି ଔର ରାନୀ କି ପ୍ରେମ୍ କାହାନୀରେ ଅଭିନେତ୍ରୀ ଶବାନା ଆଜମୀଙ୍କୁ ଚୁମ୍ବନ ଦେଇ ଚର୍ଚ୍ଚାରେ ରହିଛନ୍ତି । ପ୍ରାୟ ୧୬ବର୍ଷ ପ‌ରେ ପରଦାରେ ଧର୍ମେନ୍ଦ୍ରଙ୍କୁ ଏଭଳି ଦୃଶ୍ୟ କରୁଥିବାର ଦେଖିବାକୁ ମିଳିଛି । ଏହି ଦୃଶ୍ୟ ଅନେକଙ୍କୁ ଆଶ୍ଚର୍ଯ୍ୟ କରିଥିବା ବେଳେ ଏବେ ଏହା ଉପରେ ପ୍ରତିକ୍ରିୟା ରଖିଛନ୍ତି ଧର୍ମେନ୍ଦ୍ର । ଏକ ସାକ୍ଷାତକାର‌ରେ ଧର୍ମେନ୍ଦ୍ର କହିଛନ୍ତି, “ମୁଁ ଶୁଣୁଛି ଯେ ଶବାନା ଏବଂ ମୋର ଚୁମ୍ବନ ଦୃଶ୍ୟ ଦର୍ଶକଙ୍କୁ ଆଶ୍ଚର୍ଯ୍ୟ କରିଛି ଏବଂ ଲୋକେ ଏହାକୁ ପ୍ରଶଂସା ମଧ୍ୟ କରିଛନ୍ତି । ମୁଁ ଭାବୁଛି ଲୋକମାନେ ଏଭଳି କିଛି ଦୃଶ୍ୟ ଆଶା କରୁନଥିବା ବେଳେ ସେମାନଙ୍କ ଉପରେ ଏହା ଅଧିକ ପ୍ରଭାବ ପକାଇଛି । ଯେତେବେଳେ କରଣ ମୋତେ ଏହି ଦୃଶ୍ୟ ବିଷୟରେ କହିଥିଲେ ସେତେବେଳେ ମୁଁ ଜମା ବି ଆଶ୍ଚର୍ଯ୍ୟ ହୋଇନଥିଲି । କାରଣ ଫିଲ୍ମର କାହାଣୀ ପାଇଁ ଏହା ଜରୁରୀ ଥିଲା । ‌ଏହାକୁ ଜୋର ଜବରଦସ୍ତ ରଖାଯାଇନଥିଲା । ସେଥିପାଇଁ କାହାଣୀର ଗୁରୁତ୍ବକୁ ଦେଖି ମୁଁ ଏହି ଦୃଶ୍ୟ କରିବାକୁ ରାଜି ହୋଇଥିଲି । ସେ ଆହୁପି ମଧ୍ୟ କହିଛନ୍ତି ଯେ, ମୁଁ ବିଶ୍ୱାସ କରେ ରୋମାନ୍ସ ପାଇଁ କୌଣସି ବୟସ ନଥାଏ । ବୟସ କେବଳ ଏକ ସଂଖ୍ୟା ଏବଂ ବୟସ ନିର୍ବିଶେଷରେ ଦୁଇଜଣ ବ୍ୟକ୍ତି ଚୁମ୍ବନ ଦେଇ ପରସ୍ପର ପ୍ରତି ଥିବା ସେମାନଙ୍କର ଭଲପାଇବା ଦେଖାଇପାରିବେ।