ଗାଁକୁ ଗାଁ ବୁଲିଲେଣି ତିନି ପ୍ରମୁଖ ଦଳର ପ୍ରାର୍ଥୀ

ନାମାଙ୍କନ ପୂର୍ବରୁ ଝାରସୁଗୁଡ଼ାରେ ଆରମ୍ଭ ହୋଇଗଲାଣି ପ୍ରଚାର । ଗାଁକୁ ଗାଁ ବୁଲିଲେଣି ତିନି ପ୍ରମୁଖ ଦଳର ପ୍ରାର୍ଥୀ । ଗଡ଼ ଦଖଲ ପାଇଁ ସବୁ ଦଳ କରୁଛନ୍ତି ସମରସଜ୍ଜା । ଆଜି କଂଗ୍ରେସ ପ୍ରାର୍ଥୀ ତରୁଣ ପାଣ୍ଡେ ପ୍ରାର୍ଥିପତ୍ର ଦାଖଲ କରିବେ । ଏନେଇ ପିସିସି ସଭାପତିଙ୍କଠାରୁ ଆରମ୍ଭ କରି ଦଳର ବରିଷ୍ଠ ନେତାମାନେ ଝାରସୁଗୁଡ଼ାରେ ଡେରା ପକାଇଛନ୍ତି । ସେହିପରି ବିଜେପି ପ୍ରାର୍ଥୀ ଟଙ୍କଧର ତ୍ରିପାଠୀ ଆସନ୍ତା ୧୭ ତାରିଖରେ ପ୍ରାର୍ଥିପତ୍ର ଦାଖଲ କରିବେ । ୧୮ ତାରିଖରେ ବିଜେଡି ପ୍ରାର୍ଥୀ ଦୀପାଳି ଦାସ ନାମାଙ୍କନ ଭରିବେ । ଦୀପାଳିଙ୍କୁ ବଡ଼ ବ୍ୟବଧାନରେ ଜିତାଇବାକୁ ସ୍ବତନ୍ତ୍ର ରଣନୀତି କରିଛି ଦଳ । ସେପଟେ ଶାସକଦଳକୁ ଟକ୍କର ଦେବା ପାଇଁ ଦୁଇ ବିରୋଧୀ ଦଳ ବିଜେପି ଓ କଂଗ୍ରେସ ଜୋରଦାର କସରତ କରୁଛନ୍ତି ।