ଖୁସି ମନଉଛନ୍ତି ଚୌଦ୍ବାରବାସୀ…

ଚୌଦ୍ବାରବାସୀଙ୍କ ମଧ୍ୟରେ ବିକାଶର ନୂଆ ଆଶା ସୃଷ୍ଟି । ଓଟିଏମ୍‌କୁ ସରକାର ନେବେ ଏବଂ ସେଠାରେ ଟେକ୍ସଟାଇଲ୍ ପାର୍କ ତିଆରି କରିବେ । ନିଜ ବକେୟା ପ୍ରାପ୍ୟ ଆଶାରେ ଦିନ ଗଣୁଥିବା ଓଟିଏମର ଶ୍ରମିକ ବି ସେମାନଙ୍କ ପ୍ରାପ୍ୟ ପାଇବେ । ହାଇକୋର୍ଟରେ ଚାଲିଥିବା ଓଟିଏମ୍ ସଂପର୍କିତ ମାମଲାର ଶୁଣାଣି ହୋଇଛି । ତେବେ ଏଭଳି ତଥ୍ୟ ସ୍ପଷ୍ଟ ହେବା ପରେ ଚୌଦ୍ବାରବାସୀଙ୍କ ମଧ୍ୟରେ ବିକାଶର ନୂଆ ଆଶା ସୃଷ୍ଟି ହୋଇଛି । ଅନ୍ୟପଟେ ନିଜ ପ୍ରାପ୍ୟ ଆଶାରେ ଦିନ ଗଣୁଥିବା ଶ୍ରମିକ ମାନଙ୍କ ମଧ୍ୟରେ ମଧ୍ୟ ଖୁସି ପ୍ରକାଶ ପାଇଛି । ଓଟିଏମ ଶ୍ରମିକ, କର୍ମଚାରୀ ଓ ସେମାନଙ୍କ ପରିବାରବର୍ଗ ଏଥିରେ ଖୁସିବ୍ୟକ୍ତ କରି ହାଇକୋର୍ଟ ଓ ରାଜ୍ୟ ସରକାର, ବିଶେଷକରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଇଛନ୍ତି । ଏନେଇ ଚୌଦ୍ବାର ଅଞ୍ଚଳରେ ଲୋକେ ବାଣ ଫୁଟାଇ ଖୁସି ମନାଉଥିବା ଦେଖିବାକୁ ମିଳିଛି । ସେପଟେ ଓଟିଏମ୍‌ରେ କାମ କରୁଥିବା କର୍ମଚାରୀଙ୍କ ମଧ୍ୟରୁ ବକେୟା ପ୍ରାପ୍ୟକୁ ଚାହିଁ ଚାହିଁ ଏପର୍ଯ୍ୟନ୍ତ ୭୩୦ ଜଣ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ୨୭ ଜଣ ଆତ୍ମହତ୍ୟା କରିଛନ୍ତି ।