ଖୁବଶୀଘ୍ର ଆସିବ ଇନଫିନିଟି ଟ୍ରେନ୍‌

ବିନା ଡିଜେଲ ଏବଂ କୋଇଲାରେ ଚାଲିବ ଟ୍ରେନ । ଅଷ୍ଟ୍ରେଲିଆରେ ଏପରି ଏକ ଭିନ୍ନ ପ୍ରକାରର ଟ୍ରେନ ଚଲାଇବା ପାଇଁ ପ୍ରସ୍ତୁତି କରାଯାଉଛି । ଏହାକୁ ଅଷ୍ଟ୍ରେଲିଆର ଖନନ କମ୍ପାନୀ ଫୋର୍ଟେସ୍କୁ୍ୟ ନିର୍ମାଣ କରିବାକୁ ଯାଉଛି । ଏହି ଟ୍ରେନର ନାମ ରଖାଯାଇଛି ‘ଇନଫିନିଟି ଟ୍ରେନ’ । ଏହା ନିଜ ନାମ ହିସାବରେ ଅନନ୍ତ ସମୟ ପର୍ଯ୍ୟନ୍ତ କୌଣସି ପାରମ୍ପରିକ ଇନ୍ଧନ ବିନା ଚାଲିବ । ଏହା ମାଧ୍ୟକର୍ଷଣ ଶକ୍ତି ଦ୍ୱାରା ଚାଲିବ, ଯାହାର ଶକ୍ତି କେବେ ବି ଶେଷ ହେବ ନାହିଁ । ମାଧ୍ୟାକର୍ଷଣର ଶକ୍ତି ଇନ୍ଧନ ଭାବରେ ବ୍ୟବହୃତ ହେବ । କିନ୍ତୁ ଆହୁରି ଆଶ୍ଚର୍ଯ୍ୟଜନକ ବିଷୟ ହେଉଛି ଯେ ଏଥିପାଇଁ ଏହିପରି ଶକ୍ତି ପୃଥକ ଭାବରେ ଉପଲବ୍ଧ ହେବ ନାହିଁ । ଏହି ଟ୍ରେନ ଟ୍ରାକ୍‌ ଉପରେ ଚାଲୁଥିବାରୁ ନିଜକୁ ନିଜେ ଚାର୍ଜିଂ ଜାରି ରଖିବ । ରିପୋର୍ଟ ଅନୁଯାୟୀ, ସବୁଠୁ ବଡ଼ କଥା ଏହି ଟ୍ରେନ ଦ୍ୱାରା ପରିବେଶ ଉପରେ କୌଣସି ପ୍ରଭାବ ପଡ଼ିବ ନାହିଁ ଅର୍ଥାତ୍‌ ଏଥିରୁ ପ୍ରଦୂଷଣ କମ୍‌ ହେବ । ଫୋର୍ଟେସ୍କୁ୍ୟ ସିଇଓ ଏଲିଜାବେଥ ଗେନସ୍‌ ଏକ ବିବୃତ୍ତିରେ କହିଛନ୍ତି ଯେ ‘ଇନଫିନିଟି ଟ୍ରେନ ହେଉଛି ବିଶ୍ୱର ସର୍ବୋତ୍ତମ, ସବୁଠାରୁ ଶକ୍ତିଶାଳୀ ଏବଂ ଦକ୍ଷ ବ୍ୟାଟେରୀ ଚାଳିତ ବେଦୁ୍ୟତିକ ଟ୍ରେନ ହେବ । ଏହାର ବ୍ୟାଟେରୀ ପୃଥିବୀର ମାଧ୍ୟାକର୍ଷଣ ଶକ୍ତି ଏବଂ ଟ୍ରେନର ଗତିରୁ ଚାର୍ଜ କରିବ ।’