କୋଟିଆରେ ଭୋଟ୍ ଗ୍ରହଣ ପ୍ରକ୍ରିୟା

କୋଟିଆ: ଫେବୃଆରୀ ୧୮: ଆଜି ବିବାଦୀୟ କୋରାପୁଟ ଜିଲ୍ଲା କୋଟିଆରେ ଚାଲିଛି ଭୋଟ୍ ଗ୍ରହଣ ପ୍ରକ୍ରିୟା। ୫୭୯୦ ଭୋଟର ଭୋଟିଂ ପ୍ରକ୍ରିୟାରେ ସାମିଲ ହୋଇଛନ୍ତି । ସରପଞ୍ଚ ପଦବୀ ପାଇଁ ୭ ଜଣ ନିର୍ବାଚନ ଲଢ଼ୁଥିବା ବେଳେ ସମିତି ସଭ୍ୟ ଅପ୍ରତିନ୍ଦ୍ୱନ୍ଦୀ ରହିଛନ୍ତି। ୭ଟାରୁ ପଞ୍ଚାୟତ ନିର୍ବାଚନର ଦ୍ୱିତୀୟ ପର୍ଯ୍ୟାୟ ଆରମ୍ଭ ହୋଇଥିବାବେଳେ ୩୦,୬୮,୧୮୬ ଜିଲ୍ଲା ପରିଷଦ ଜୋନରେ ମତଦାନ ଚାଲିଛି। ମାଡ଼କାର, ଫଗୁଣସିନେରି, ତାଡ଼ିବାଲସା, ତଳ ଓ ଉପର ସେମ୍ବି ଏବଂ ଗଞ୍ଜେଇପଦର ଆଦି ୧୩ଟି ବୁଥ୍ରେ ପଞ୍ଚାୟତ ନିର୍ବାଚନ କରାଯାଉଛି। ତେବେ କୋଟିଆ ନିର୍ବାଚନ କିପରି ସୁରୁଖୁରୁରେ କରାଯିବ ସେଥିପ୍ରତି କଡା ନଜର ଦିଆଯାଇଛି । ପଡୋଶୀ ଆନ୍ଧ୍ରର ଗତିବିଧି ଉପରେ ମଧ୍ୟ ନଜର ରଖି ବିପୂଳ ସୁରକ୍ଷା କର୍ମୀ ନିୟୋଜିତ ହୋଇଛନ୍ତି । ଏଥର ଆନ୍ଧ୍ରକୁ ଚେକମେଟ ଦବାକୁ ଅଣ୍ଟା ଭିଡିଛନ୍ତି ରାଜ୍ୟ ସରକାର ।