ବେଳେବେଳେ ବୁଦ୍ଧି ଆଗରେ ବୟସ ହାର ମାନିଥାଏ । ଛୋଟ ଛୋଟ ପିଲାମାନେ ଏଭଳି କିଛି ଉଦ୍ଭାବନ କରନ୍ତି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥାଏ । ସେହିଭଳି ଜଣେ ପିଲା ହେଲେ ଆସାମର ଅନକ୍ରିତ୍ କରମକର । ମାତ୍ର ନବମ ଶ୍ରେଣୀରେ ସେ ଅନ୍ୟ ମାନଙ୍କ ପାଇଁ ଉଦାହରଣ ସାଜିଛନ୍ତି । ସେ ଏକ ଜୋତା ନିର୍ମାଣ କରିଛନ୍ତି, ଯାହା ଦୃଷ୍ଟିଶକ୍ତି ହରାଇଥିବା ଲୋକଙ୍କୁ ସାହାଯ୍ୟ କରିବ । ଏହି ଯୋତା ପିନ୍ଧିବା ଫଳରେ ସେମାନେ ରାସ୍ତାରେ ଆସୁଥିବା ବିଭିନ୍ନ ବାଧାକୁ ଅତିକ୍ରମ କରିବାରେ ସଫଳ ହେବେ । ଯୋତାର ସୋଲ୍ରେ ଗୋଟିଏ ଛୋଟ ବ୍ୟାଟେରି ଫିଟ୍ କରାଯାଇଛି । ଏହାସହିତ ଏକ ସେନ୍ସର ମଧ୍ୟ ଲଗାଯାଇଛି । ଯେତେବେଳେ ଯୋତା ରାସ୍ତାରେ କିଛି ବି ବାଧା ଆସିବ ତାକୁ ସେନ୍ସର ଚିହ୍ନଟ କରିବା ସହିତ ଏକ ଆଲର୍ଟ ଆଲାରାମ ଦେବ । ବଜରର ଶବ୍ଦ ଶୁଣିବା ପରେ ବ୍ୟକ୍ତି ଜଣଙ୍କ ରାସ୍ତାରେ ଆସୁଥିବା ବାଧା ନେଇ ସର୍ତକ ହୋଇପାରିବେ ଏବଂ ସେହି ବାଧାକୁ ଏଡେଇବା ପାଇଂ ପଦକ୍ଷେପ ନେବେ । ବଡ ହେଲେ ବାଳକ ଜଣଙ୍କ ବୈଜ୍ଞାନିକ ହେବାକୁ ଇଛା ରଖିଛନ୍ତି ।
ସେହିଭଳି ଭବିଷ୍ୟତରେ ସେ ଏଭଳି ଅନେକ ଉପକରଣ ଉଦ୍ଭାବନ କରିବାକୁ ଇଛା ରଖିଛନ୍ତି, ଯାହା ସମାଜକୁ ବିଭିନ୍ନ ଅସୁବିଧାରେ ସାହାଯ୍ୟ କରିବ ।
1 thought on “କୁନି ବୈଜ୍ଞାନିକ ଅନକ୍ରିତ୍ କରମକର”