କଟକଣା ହଟାଇଲେ ସୁପ୍ରିମକୋର୍ଟ

ପଶ୍ଚିମବଙ୍ଗରେ ମୁକ୍ତିଲାଭ କରିବ ’କେରଲା ଷ୍ଟୋରୀ’ । ଏହି ଫିଲ୍ମ ଉପରେ ହୋଇଥିବା ପ୍ରତିବନ୍ଧକକୁ ସୁପ୍ରିମକୋର୍ଟ ହଟାଇ ଦେଇଛନ୍ତି । ଗୁରୁବାର ସୁପ୍ରିମକୋର୍ଟ ପଶ୍ଚିମବଙ୍ଗରେ କେରଲା ଷ୍ଟୋରୀ ଉପରେ ନିଷେଧା ଦେଶ ଉଠାଇଛନ୍ତି । ସୁପ୍ରିମକୋର୍ଟର ମୁଖ୍ୟ ବିଚାରପତି ଡି. ଓ୍ୱାଇ ଚନ୍ଦ୍ରଚୂଡ଼ ପଶ୍ଚିମବଙ୍ଗ ସରକାରଙ୍କୁ କହିଛନ୍ତି କି ନିର୍ଦ୍ଧିଷ୍ଟ ଏକ ଜିଲ୍ଲାରେ ଏହି ଫିଲ୍ମ ଉପରେ ପ୍ରତିବନ୍ଧକ ଲଗାଯାଇପାରେ କିନ୍ତୁ ସମଗ୍ର ରାଜ୍ୟରେ ନୁହେଁ । ଜନସାଧାରଣଙ୍କ ଭାବନାକୁ ନିୟନ୍ତ୍ରଣ କରିବା ସରକାରଙ୍କ ଅଧିକାର, କିନ୍ତୁ ଫିଲ୍ମ ଉପରେ ପ୍ରତିବନ୍ଧକ ଲଗାଯାଇପାରିବ ନାହିଁ । ପ୍ରଧାନ ବିଚାରପତି ଡି.ଓ୍ୱାଇ ଚନ୍ଦ୍ରଚୂଡ କହିଛନ୍ତି ଯେ ରାଜ୍ୟ ଶକ୍ତିର ବ୍ୟବହାର ଅନୁପାତିକ ହେବା ଉଚିତ୍ । କୌଣସି ପ୍ରକାରର ଅସହିଷ୍ଣୁତାକୁ ବରଦାସ୍ତ କରାଯାଇପାରିବ ନାହିଁ । ପଶ୍ଚିମବଙ୍ଗରେ ଦି କେରଲା ଷ୍ଟୋରୀ ଫିଲ୍ମ ଉପରେ ପ୍ରତିବନ୍ଧକ ଲଗାଇବା ନେଇ ଆଜି ସୁପ୍ରିମକୋର୍ଟରେ ଶୁଣାଣି ହୋଇଥିଲା । ବରିଷ୍ଠ ଆଇନଜୀବୀ ହରିଶ ସାଲଭେ କହିଛନ୍ତି ଯେ ଏହି ଫିଲ୍ମର ଟିଜର ଯେଉଁଥିରେ ୩୨ ହଜାର ବାଳିକାଙ୍କୁ ଟାର୍ଗେଟ କରାଯାଇଥିଲା ବୋଲି ଉଲ୍ଲେଖ ଥିଲା । ସେହି ଟିଜରକୁ ହଟାଇ ଦିଆଯାଇଛି । କେରଳ ହାଇକୋର୍ଟ ମଧ୍ୟ ଏହି ଫିଲ୍ମ ଉପରେ ପ୍ରତିବନ୍ଧକ ଲଗାଇବାକୁ ମନା କରିଦେଇଛନ୍ତି ।