କଂଗ୍ରେସର ଦୁଇ ଦିନିଆ ବୈଠକ

ଆଜିଠୁ ରାଜ୍ୟ କଂଗ୍ରେସର ଦୁଇ ଦିନିଆ ବୈଠକ । ‘ଭାରତ ଯୋଡ଼ୋ’ ଅଭିଯାନ ପରେ ‌କଂଗ୍ରେସ ପକ୍ଷରୁ ‘ହାଥ୍ ସେ ହାଥ ଯୋଡ଼ୋ’ କାର୍ଯ୍ୟକ୍ରମ ଆୟୋଜିତ ହେବାକୁ ଯାଉଛି । ଏହି ପରିପ୍ରେକ୍ଷୀରେ ଓଡ଼ିଶାରେ ଏହି କାର୍ଯ୍ୟକ୍ରମ କିଭଳି କାର୍ଯ୍ୟକାରୀ ହେବ ତାହା ସଂପର୍କରେ ଆଲୋଚନା କରାଯିବ । ବିଧାୟକ ସୁରେଶ ରାଉତରାୟଙ୍କ ସୂଚନା ଅନୁସାରେ ପର୍ଯ୍ୟବେକ୍ଷକ ତାରିକ ହମିଦ କାରା ଆସୁଛନ୍ତି । ପ୍ରଥମ ଅଧିବେଶନରେ ବରିଷ୍ଠ ନେତା, ବିଧାୟକଙ୍କ ସହ ବୈଠକ ହେବ । ଅପରାହ୍‌ଣରେ ଜିଲ୍ଲା ସଭାପତି ପ୍ରାର୍ଥୀମାନଙ୍କ ବୈଠକ ବସିବ । ଏହାସହ ପ୍ରିୟଙ୍କା ଗାନ୍ଧୀଙ୍କୁ ଓଡ଼ିଶା ଆସିବା ଲାଗି ପ୍ରଭାରୀ ‌ଏ‌.ଚେଲାକୁମାରଙ୍କ ଜରିଆରେ ନିବେଦନ କରାଯାଇଛି । ଯଦି ପ୍ରିୟଙ୍କା ଏହାକୁ ସ୍ବୀକାର କରନ୍ତି ତାହାଲେ ଆସନ୍ତା ଫେବ୍ରୁଆରି ଓଡ଼ିଶାରେ ଏକ କାର୍ଯ୍ୟକ୍ରମ ହୋଇପାରେ ବୋଲି କଂଗ୍ରେସ ସୂତ୍ରରୁ ସୂଚନା ମିଳିଛି।