ଓଡିଶା ଆସିଲା ବାଲାଟ୍ ବକ୍ସ

ଆସନ୍ତା ୧୮ ତାରିଖରେ ରାଷ୍ଟ୍ରପତି ନିର୍ବାଚନ । ଏନେଇ ଓଡିଶା ଆସିଲା ବାଲାଟ୍ ବକ୍ସ ଏବଂ ନିର୍ବାଚନ ସମ୍ପର୍କିତ ସମସ୍ତ ସାମଗ୍ରୀ । ବିଜୁ ପଟ୍ଟନାୟକ ବିମାନ ବନ୍ଦରରୁ ସମସ୍ତ ସାମଗ୍ରୀକୁ କଡା ସୁରକ୍ଷା ବଳୟରେ ବିଧାନସଭା ପରିସରରେ ଥିବା ଷ୍ଟ୍ରଙ୍ଗ୍ ରୁମକୁ ନିଆଯାଇଛି । ଏହି ବାଲାଟ ବକ୍ସ ଟ୍ରେନର ପାସେଞ୍ଜର ସିଟରେ ଆସେ । ମିଷ୍ଟର ବାଲାଟ୍ ବକ୍ସ ନାଁରେ ବୁକିଂ ହୁଏ ଟିକେଟ୍ । ବିଧାନସଭା ପରିସରରେ ବାଲାଟ ବାକ୍ସ ପହଞ୍ଚିବା ପରେ ସେଠାରେ ୨୪ ଘଣ୍ଟିଆ ସୁରକ୍ଷା ବଳୟ ମଧ୍ୟରେ ବାଲାଟ୍ ବକ୍ସ ନିର୍ବାଚନ ସଂପର୍କୀତ ସାମଗ୍ରୀକୁ ରଖାଯାଇଛି । ସେପଟେ ଓଡିଶା ବିଧାନସଭା ସଚିବାଳୟ ପକ୍ଷରୁ ରାଷ୍ଟ୍ରପତି ନିର୍ବାଚନ ନେଇ ବିଜ୍ଞପ୍ତି ପ୍ରକାଶ ପାଇଛି । ବିଧାନସଭାର ପ୍ରଥମ ମହଲା ୫୪ ନମ୍ବର କଠୋରୀରେ ଜୁଲାଇ ୧୮ ତାରିଖ ଦିନ ୧୦ଟାରୁ ଅପରାହ୍ନ ୫ଟା ଯାଏଁ ଭୋଟ ଗ୍ରହଣ ହେବ । ବିଧାନସଭାର ସମସ୍ତ ନିର୍ବାଚିତ ପ୍ରତିନିଧି ଏଠାରେ ଭୋଟ ଦେବେ ।