ଓଡିଆ ଗୀତରେ ଜଲୱା ଦେଖାଇଲେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍‌

ଭୁବନେଶ୍ୱର: ମାର୍ଚ୍ଚ ୦୨: ଓଡ଼ିଆ ଗୀତ ଗାଇ ବେଶ୍‌ ପ୍ରଶଂସା ସାଉଁଟୁଛନ୍ତି ରାଜ୍ୟପାଳ ପ୍ରଫେସର ଗଣେଶୀଲାଲ୍‌ । ସେ ଓଡିଆ ସଂଗୀତ ବନ୍ଦେ ଉତ୍କଳ ଜନନୀ ଗାଇ ବେଶ୍‌ ଖୁସିଥିବା ପ୍ରକାଶ କରିଛନ୍ତି । ତେବେ ଓଡିଆରେ ଏହା ତାଙ୍କର ପ୍ରଥମ ଗୀତ ନୁହେଁ । ଏହା ପୂର୍ବରୁ ସେ ଏଇ ମାଟି ମାଆର ଗାଥା ଗୀତ ମଧ୍ୟ ଗାଇ ସାରିଛନ୍ତି । ନିର୍ଦ୍ଦେଶକ ପ୍ରେମାନନ୍ଦଙ୍କ ନିର୍ଦ୍ଦେଶନାରେ କଟକର ଏକ ମ୍ୟୁଜିକ ଷ୍ଟୁଡିଓରେ ଏହି ଗୀତ ରେକର୍ଡିଂ କରାଯାଇଛି । ସୂଚନା ଅନୁସାରେ, ରାଜ୍ୟପାଳ ଏହି ଗୀତ ଗାଇବା ପାଇଁ ଇଚ୍ଛା ପ୍ରକାଶ କରିବାରୁ ସଙ୍ଗୀତ ନିର୍ଦ୍ଦେଶକ ପ୍ରେମାନନ୍ଦ ଗୀତର ଟ୍ରାକକୁ ନେଇ ରାଜଭବନ ଯାଇଥିଲେ । ଟ୍ରାକ ଶୁଣି ଗୀତ ଗାଇବା ପାଇଁ ରାଜି ହେବାପରେ ଏହି ଗୀତ ରେକର୍ଡିଂ କରାଯାଇଛି । କେବଳ ରେକର୍ଡିଂ ନୁହେଁ ମ୍ୟୁଜିକ ଭିଡିଓରେ ମଧ୍ୟ ଅଭିନୟ କରିବା ପାଇଁ ରାଜ୍ୟପାଳ ସହମତି ଦେଇଛନ୍ତି । ଏହି ଗୀତରେ ରାଜ୍ୟପାଳଙ୍କ ସହ ହ୍ୟୁମାନ ସାଗର ଓ ଦିପ୍ତୀରେଖା ମଧ୍ୟ କଣ୍ଠଦାନ ଦେଇଛନ୍ତି । ଏହି ଗୀତଟି ଖୁବ୍ ଶିଘ୍ର ରିଲିଜ ହେବାକୁ ଯାଉଛି ।