ଓଡ଼ିଶାର ୧୨୫ଟି ସେଣ୍ଟରରେ ଆଜି ନିଟ୍(UG) ପରୀକ୍ଷା

ଆଜି ନିଟ୍(UG) ପରୀକ୍ଷା । ଓଡ଼ିଶାର ୨୭ଟି ସହରରେ ୧୨୫ଟି ସେଣ୍ଟରରେ ପରୀକ୍ଷା ଦେବେ ଛାତ୍ରଛାତ୍ରୀ । ସାରା ଦେଶରୁ ୨୦ଲକ୍ଷ ୫୯ହଜାର ୬ଜଣ ଦେବେ ପରୀକ୍ଷା । ସେଥିରୁ ଓଡ଼ିଶାରୁ ଅଛନ୍ତି ୫୬ହଜାର ୯୮୯ଜଣ ପରୀକ୍ଷାର୍ଥୀ । ପରୀକ୍ଷା ପାଇଁ ଭୁବନେଶ୍ୱରରେ ୨୨ଟି ସେଣ୍ଟରର ବ୍ୟବସ୍ଥା କରାଯାଇଛି । ଭୁବନେଶ୍ବରରୁ ୧୪ ହଜାର ୪୮୧ଜଣ ଛାତ୍ରଛାତ୍ରୀ ଦେବେ ପରୀକ୍ଷା । ଅନୁଗୁଳ, ବଲାଙ୍ଗିର, ଭୁବନେଶ୍ୱର, କଟକ, ରାଇରଙ୍ଗପୁର ମାଲକାନଗିରି ଆଦି ସହରରେ ପରୀକ୍ଷା ଅନୁଷ୍ଠିତ ହେବ । ସେହିପରି ଆସନ୍ତାକାଲିଠୁ ଆରମ୍ଭ ହେବ OJEE ପ୍ରବେଶିକା ପରୀକ୍ଷା । କାଲି, ୯ ତାରିଖ, ୧୧ ତାରିଖ, ୧୨ ଓ ୧୫ତାରିଖରେ OJEE ପ୍ରବେଶିକା ପରୀକ୍ଷା ଅନୁଷ୍ଠିତ ହେବ । ୧୧ବିଷୟରେ ସିବିଟି ମୋଡରେ ପରୀକ୍ଷା ହେବା ନେଇ ସୂଚନା ରହିଛି । ୩ଟି ସିଫ୍ଟରେ ହେବ ପରୀକ୍ଷା ।