ଶରଦ ପାୱାରଙ୍କ ନେତୃତ୍ୱାଧୀନ ଏନିସିପିରେ ବଢିବ କି କନ୍ଦଳ ? ଝିଅ ସୁପ୍ରିୟା ସୁଲେ ଏବଂ ଦଳର ଅନ୍ୟତମ ବରିଷ୍ଠ ନେତା ପ୍ରଫୁଲ ପଟେଲଙ୍କୁ ଶରଦ ପାୱାର କାର୍ଯ୍ୟକାରୀ ସଭାପତି ଭାବେ ଘୋଷାଣା କରିଛନ୍ତି । କିନ୍ତୁ ଦଳର ଅନ୍ୟତମ ବରିଷ୍ଠ ନେତା ତଥା ବିରୋଧୀ ଦଳର ନେତା ପଦରେ ଥିବା ଅଜିତ ପାୱାରଙ୍କୁ କୌଣସି ନୂଆ ଦାୟିତ୍ୱ ମିଳିନାହିଁ । କିନ୍ତୁ ବିଭିନ୍ନ ସମୟରେ ବିଜେପି ସହ ସମ୍ପର୍କ ରଖି ମହାରାଷ୍ଟ୍ର ରାଜନୀତିକୁ ସରଗରମ କରୁଥିବା ଏହି ନେତାଙ୍କ ରଣନୀତି କଣ ହେବ ତାହା ଏବେ ଚର୍ଚ୍ଚାରେ । ଏନସିପିରେ ପାୱାରଙ୍କ ପୁତୁରା ଅଜିତଙ୍କର ଗୋଟିଏ ବଡ ପ୍ରଭାବ ରହିଛି । ଦଳର ଅନେକ ବିଧାୟକ ତାଙ୍କ ସମର୍ଥକ ବୋଲି ଚର୍ଚ୍ଚା ହୁଏ । ଏପରି ସ୍ଥିତିରେ ଦଳର କୌଣସି ବଡ ପଦ ନମିଳିବା ପରେ ଅଜିତଙ୍କ ଆଗାମୀ ରଣନୀତି କଣ ହେବ ତାହାକୁ ନେଇ ଚର୍ଚ୍ଚା । ସେପଟେ ପାୱାର ପରିବାରର ଅନ୍ୟତମ ନେତା ତଥା ଘରର ସଦସ୍ୟ ରୋହିତ ପାୱାର କହିଛନ୍ତି, ଦଳର ସମସ୍ତ ନେତା ଏକାଠି ଅଛନ୍ତି । କୌଣସି କନ୍ଦଳ ନାହିଁ । ଏନସିପିରେ ଗୋଟିଏ ନେତା ଗୋଟିଏ ପଦ ଲାଗୁ ହୋଇଛି । ଯେହେତୁ ଅଜିତ ପାୱାର ବିରୋଧୀ ଦଳ ନେତା ପଦରେ ଅଛନ୍ତି ତେଣୁ ତାଙ୍କୁ କୌଣସ ପଦ ଦିଆଯାଇନି । ଅନ୍ୟପଟେ ସୁପ୍ରିୟା ସୁଲେ ଓ ପ୍ରଫୁଲ ପଟେଲଙ୍କୁ ନୂଆ ଦାୟିତ୍ୱ ମିଳିବା ପରେ କୌଣସି ସେଲିବ୍ରେସନ ହୋଇନାହିଁ । ଯାହାକି ଦଳରେ କିଛି ଠିକଠାକ ନଥିବା ଚର୍ଚ୍ଚାକୁ ଖୋରାକ ଯୋଗାଉଛି ।
“The eyes believe themselves, the ears believe other people.”
More Stories
କଳାହାଣ୍ଡି ଗସ୍ତରେ ମୁଖ୍ୟମନ୍ତ୍ରୀ, ଲାଗିଛି ବ୍ୟାପକ ପ୍ରସ୍ତୁତି
କଥା ରଖିଲେ ମୋହନ, ଶ୍ରୀମନ୍ଦିରକୁ 500 କୋଟିର କର୍ପସ ପାଣ୍ଠି ମଞ୍ଜୁର
ସବୁଠୁ ବଡ ସମସ୍ୟା ମହିଳାଙ୍କ ସୁରକ୍ଷା- ସୁପ୍ରିୟା ଶ୍ରୀନେତ